Алматы облысында 5 жасар бала балабақшада жүріп аяғын сындырып алған

Сейсенбі, 24 Мамыр , 2016 10:45

Алматы облысы Ұзынағаш ауылында 5 жасар Мұхамедтің аяғы морт сынып, екі айдан бері төсекке таңулы жатыр. Бірақ болған оқиғаға қарамастан, балабақша қызметін сол қалпы жалғастыруда. Бұл туралы КТК телеарнасы хабарлайды.

бьтим

Ал бүлдіршіннің ата-анасы содан бері ісіне салғырт қараған балабақша қызметкерлерін жауапқа тартқыза алмай жүр. Басшылық тұрмақ, тәрбиешінің өзі ескерту де алмапты.

Белуарына дейін гипс қапталған Мұхамед өзі отырып-тұра алмайды. Әке-шешесі қазір бар тірлігін тастап, ұлына қарасумен күндерін өткізіп жүр. Айтуларынша, қапыда болған қателікті балабақша басшылығы да, тәрбиеші де мойындамай қойған.

“Жүгіріп жүріп құлап қалды, аяғы сынып қалды дейді. Олар ұрып сындырды ма, не істеп сындырды? Бізге сол дәлел керек болып тұр, ақиқат керек боп тұр. Сынатын болса үйде күніне жүз рет құлайды ғой, неге сынбайды?” – дейді Мұхамедтің анасы Алтынай Сүгірова.

Ал баланы мұндай жағдайға түсірген балабақша қызметін сол қалпы жалғастырып жатыр. Тек тілшілер келердің алдында меңгерушінің қан қысымы көтеріліп, емханаға кеткен. Сол күні кішкентай Мұхамедке жауапты болған тәрбиеші тіпті Талдықорғанға жолға шығып кетіпті. Ал қалған қызметкерлер өз айыптарын жуып әлек. Айтуларынша, тәрбиешінің өзі де, ұжым болып та көмек көрсетпек болыпты. Бірақ, ата-анасы одан бас тартты дейді.

“Балаға тәрбиешіміз ылғи барып, жағдайын біліп тұрды. Қолымыздан келгенше ұжым болып қаражат жинап, көмегімізді бердік. Тағы қандай көмек керек десек, қанша жетіспейді десек, бас тартып, нақты сомасын айтпайды”, – дейді , «Аққайың» балабақшасының әдіскері Валентина Садовикова.

Қайдар мен Алтынай енді жұмысына салғырт қараған тәрбиешіні күйеуімен қосып үстерінен арыз жазып жатыр. Айтуларынша, тәрбиешінің күйеуі бұған дейін еш жерге айтқызбай, бүкіл ем-домын көтерем деп ант су ішкен екен. Бірақ, артынша сөзінен тайқып шығыпты. Әрі жауапсыз балабақша басшылығы да жауапқа тартылса дейді қамкөңіл ата-ана.

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

0
Комментариев

Leave a Reply

Your email address will not be published.

Орташа айырбас бағамы
18.01.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар