Алматыда жылу желілерін жөндеуге байланысты бірнеше көшеде жол қозғалысы шектеледі
Алматыда 24 сәуір мен 31 мамыр аралығында М.Ганди көшесінен Тимирязев көшесіне дейін Батыс Желтоқсан көшесі бойынша автокөлік қозғалысы ішінара шектеледі. Магистральдық құбырды ауыстыру және жол төсемін орташа жөндеу қажетіне байланысты уақытша тыйым салынады. Бұл туралы Stan.kz ақпарат агенттігі хабарлайды.
Фото: pixabay
Қызмет нормативтеріне сәйкес есептелген учаске 1992 жылдан бері қолданысқа енген. Мониторинг кезінде кейінгі бес жылда мұнда 17 рет ақау болған.
Құбырды жөндеу жұмыстары кезінде күн сайын сағат 07:00-ден 22:00-ге дейін жұмыстар жүргізіледі. Сонымен қатар күн сайын сағат 22:00-ден 07:00-ге дейін және демалыс күндері қозғалыс екі жаққа да жабылады. Қозғалыс бағыты Ганди көшесінен оңтүстік бағытта әл-Фараби даңғылына шығатын жол мен Қозыбаев көшесі аралығында іске асырылады.
2 мамыр күні қалалық мобильділік басқармасы әл-Фараби даңғылынан Тимирязев көшесіне дейін Батыс Желтоқсан көшесінде орташа жөндеу жұмыстарын бастайды. Бастапқыда тротуарлар мен арық желілері жөнделеді, бүлінген жиектер ішінара ауыстырылады. Содан кейін асфальт жабыны фрезерленеді.
Бұдан бөлек құбырды және асфальт жабынының төменгі қабатын төсегеннен кейін жолдың бүкіл еніне полимерді қолдана отырып, асфальтбетон төсеу жүргізіледі.
"Қозғалыс толығымен 1 маусымға дейін қалпына келтіріледі. Мәжбүрлі қолайсыздықтарға түсіністікпен қарауды және көрсетілген учаскені айналып өту жолдарын алдын ала қарастыруды сұраймыз", – делінген хабарламада.