Ақтөбенің үш бірдей жерінде қарулы атыс орын алды (фото, видео)

Алдын ала деректер бойынша куәгерлердің айтуынша Ақтөбе қаласының үш ауданында орын алған атыстың себебі белгісіз. Оқыс жағдай Филармония аумағында, 5-ші ықшам ауданда және “Паллада” қару дүкенінің жанында болған.

суреттер vk.com

Қазір атыс болған аудандарды полиция күзетуде. Оқиға орындарында бірнеше жедел жәрдем бригадасы жұмыс істеп жатыр. Бейресми мәлімет бойынша белгісіз біреулер “Пантера” қару-жарақ дүкенін тонап кеткен.

Атыс бүгін сағат 2 шамасында басталған. 24-30 шамасындағы ер адам Облыстық Филармония аумағында полиция бөлімшесіне шабуыл жасаған. Оқиға нәтижесінде 2 адам зардап шеккен. Полиция бірнеше күдіктіні қолға түсірген.

Әлеуметтік желілерде оқиғаның суреттері мен видеосы пайда болуда. Құқық қорғау органдары тұрғындарға үйден шықпауға кеңес берген. Ал сауда үйіндегі адамдар эвакуациялануда. Әзірге ІІД немесе ІІМ ресми түсініктеме бермеді.