Ақтөбеде ұялы телефонды қуаттау мүмкіндігі бар аялдамалар салынды

Бейсенбі, 28 Шілде , 2016 15:07

Өткенде Ақтөбедегі 5-шағын аудандағы аялдамалардың ескі павильондары алынып тасталған болатын. Осы аптада «Мәңгілік алау» жағындағы аялдама пункті жаңадан қойылды.

  қуаттау

Бұл туралы “Ақтөбе” басылымы жазды.

Жаңа аялдаманың жоғарғы жағында жарық-диодты дисплей бар. Тағы бір жаңалық — аялдама бағанасына usb-кабельге арналған үш көзі бар порт орнатылған. Аялдамада тұрған адам анықтап қарамаса, қуаттандыру жабдығын бірден көре қоймасы анық.

Телефоныңыздың қуаты таусыла беретін болса, өзіңізбен бірге енді usb-кабель алып жүрсеңіз болғаны. Алайда, қуат көзі жауын-шашыннан қорғалмаған, беті ашық тұр.

Ақтөбе қалалық тұрғын үй-коммуналдық шаруашылық, жолаушылар көлігі және автомобиль жолдары бөлімінің мәліметінше, Есет батыр көшесі, Молдағұлова және Әбілқайыр хан даңғылдары секілді 6 орталық көшеге қойылатын usb-порты бар 12 аялдама пункті үшін жергілікті бюджеттен 19 миллион теңге бөлініп отыр.

«Мұндай павильондар негізінен адам көп жүретін жерлерге қойылады. «Қалтасы бар» аялдамалардың құны —  шамамен 1 миллион 600 мың теңге. Ал «қалтасыз» аялдамалар миллион теңгеге жуықтайды», — дейді аталған бөлімнің маманы. Айтпақшы, бұдан басқа Ақтөбеде демеушілердің қаржысы есебінен зарядтауға арналған порты жоқ 20 жаңа аялдама бой көтереді.

 

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

1
Комментариев

Leave a Reply

Your email address will not be published.

Орташа айырбас бағамы
20.01.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар