Аян Ұланның сөзінше, түнде аяғы ауыр әйелінің толғағы келіп, олар шұғыл түрде ауруханаға жетуді ойлаған. Олар такси шақырып, жамылғы мен басқа да қажетті заттарды алып, ауруханаға беттеген. Алайда әйелдің толғағы тез болып, ол тұрғын үйдің подъезінің баспалдағында босанып қалған.

«Ол баспалдақпен төмен түсіп келе жатқан. Бәрі осы кезде басталды. Әйелімді көрпенің үстіне жатқыздым. Ол қатты шошыды. Мен одан тынышталуын сұрадым. «Дем ал, күшен», – деп қайталадым. Ол үшінші рет күшенген кезінде босанды. Алайда сәби жылаған жоқ. Кіндігі мойнына оралып қалыпты. Кіндігін мойнына шешіп алған кезімде, балам жылап қоя берді. Мен шок күйінде болдым. Бірден 101 нөміріне, өрт қызметіне хабарласыппын. Содан кейін ғана жедел жәрдемге хабарластым. Олар шамамен 2 минутта келді. Қатты қорықтым. Алайда қорқынышымды білдірмеуге тырыстым.

Менің медициналық білімім жоқ. Байланысшы болып жұмыс істеймін. Өз кезегінде дәрігерлерге және 12-нші жедел жәрдем бригадасына. Надежда Филиппова, фельдшер Маматов пен жүргізуші Болатхан Жиенбаевқа алғыс білдіремін», – дейді Аян Ұлан.

Әйел босанғаннан кейін, жедел жәрдем ана мен сәбиді ауруханаға алып кетіпті. Қазіргі уақытта олар үйінде, жақындары мен туыстарының ортасында.

«Ол кезде Аянның ата-анасы ұйықтап жатқан. Ол ата-анасын оятапапты. Ешкімді мазаламауды жөн көрген. Өз кезегінде ол жылдам әрекет еткен. Ал ата-анасы әлдекімнің жүргенін естігенде, ұлы подъезге шығып кеткен екен деп ойлаған. Алайда әкесі не болып жатқанын көру үшін подъезге шыққанда, дәрігер мен жаңа туған сәбиді көріпті. Бұл ерлік болды. Аян саспастан, әйелін өзі босандырып алды», – дейді Аянның әпкесі Балзипа.

Сәби әлі қырқынан шықпаған. Сондықтан ата-анасы оның есімін айтпады. Ол Аян Ұланның шаңырағындағы екінші бала екен.

Stan.kz сайтын Telegram арқылы оқыңыз. Арнамызға жазылыңыз.

Талқылау