Ақтөбеде әскери қызметкер жалдамалы жұмысшысын өлтірген
Ақтөбеде Бегелдинов атындағы Әуе қорғанысы күштері әскери институтының жүргізушісі өз жұмысшысын өлтірді.
Фото: Табылды Қадырбеков
Бұған қатысты сот үкімі шықты. Сот мәліметіне сәйкес, Аян Жәрменов қазан айында жәбірленуші С.Киктенконы жөндеу жұмыстары үшін жалдаған. Кейіннен араларында металл ыдысқа бола дау туып, Жәрменов оған жұдырық ала жүгірген. Ауыр соққы алған жәбірленуші 27 қазан күні мерт болды.
Оның ішіне қан кетіп, көкбауыры жыртылып кеткен. Сот үкіміне сәйкес айыпталушы кінәлі деп танылып, 8 жылға соталды. Алайда сотталушы бұл айыппен келіспейтінін айтты. Айтуынша, ол ыдысын ұрламақ болған жұмысшысын ұрып жазалаған.
Әуе қорғанысы күштері әскери институтының жүргізушісі «сержант» шенінен айырылды. Сот үкімі заңды күшіне енген жоқ.
Тағы да оқыңыз:
Ақтаулық бойжеткен «Қазақ аруы» атанды
Аружан Саин ОҚО-дағы балаға қатысты соңғы жаңалықтарды айтты
"Көмектесіңіз мен оны танымаймын деп жылады": Алматы облысында бейтаныс ер адам кішкентай баланы ұрламақ болған
Тұрғын: "Ер адам баланың ұлы екенін, жай ғана үйге кіргісі келмей тұрғанын айтты”
Ай сайын ит-мысықты асырауға 8 миллион теңге жұмсаймын
Панажай иелері күштеп жабуға тап болып отырғанын айтты