Ақмола облысында 9 жасар бала түнімен құдықта отырып, сырттан көмек күткен
Ақмола облысында 9 жасар бала мектептен қайтып келе жатып құдыққа түсіп кеткен. Тек ертеңіне азанда ғана аман-есен табылған.
Бұл туралы облыстық төтенше жағдайлар департаментінің баспасөз қызметі хабарлады.
Облыстың Астрахань ауданының орталығы – Астраханка ауылында көше бойымен ойнап келе жатқан бала кенет аяғы тайып, жолдың жиегіндегі құдыққа құлайды. Оқиға 5 ақпан күні кешкісін болған.
Мектептен қайтқан оқушы баланың үйіне жетпегені белгілі болғасын оны іздеу басталады. Оған «Өрт сөндіруші және апаттан құтқару жұмыстары» мемлекеттік басқармасының 10 қызметкері мен 2 техника бірлігі, жергілікті атқару органдарының 6 қызметкері, жергілікті 26 тұрғын жұмылдырылды.
Бала 6 ақпан күні таңертең құдық ішінен табылды. Оның жағдайды бірқалыпты деп бағаланды.
Аталмыш факт бойынша тексеру жұмыстары жүргізіледі.
"Адамдар келсе айт, жылауға дайындалайық": Қазақстандықтар жаназа кезінде бастан кешірген жағымсыз жайттары туралы баяндады
Желі қолданушыысы: "Қазақтың жерлеу рәсімін жек көремін"
Не себепті Қазақстанда туу көрсеткіші Ресейден жоғары? Сарапшылар мұның пайдасы мен зиянын айтып берді
Демограф: “Жастар арасында child free ұстанымына бет бұру үрдісі бар”