Төреғали дүркіретіп той жасап, өзі шығарған шай мен әтірді жарнамалады

Төреғали Төрәлі ұлы мен қызына дүбірлі той жасап, ерлерге арналған Toresh атты әтірін ұсынды, деп хабарлайды Stan.kz тілшісі.

Әнші қызы Фатиманың тұсаукесер және ұлы Төренұрдың шілдеханасына арналған салтанантты кеште  Toresh әтірін халыққа ұсынып, тойбастарға арнайы Toresh атты шай таратты. Бірнеше қуанышты біріктіріп, дүбірлетіп той жасаған әншіні өнер майталмандары жарыса құттықтады.

«Жарық дүниеге шыр етіп келген сәбиімізге анасының көркін берсін, әкесінің бөркін берсін, әжесінің ақыл-ойын берсін, атасының абыройын берсін! Өссін-өнсін, жамандық көрмесін, өскен соң ерлесін! Қуаныш құтты болсын! Бәрімізге жұғысты болсын!» - десті жұрты.

Фатима қыздың тұсауын Майра Ілиясова кесіп, өмірі мәнді болсын деп тілек айтты. Ал кішкентай ұлы Төренұрдың атын Бас мүфти Хазірет Серікбай қажы Сатыбалдыұлы азан шақырып қойған екен.