"Басқа қыз таппадыңдар ма?": Әбунасыр Серіков пен Шырын Наршаева түсірілім алаңында сөзге келіп қалды (видео)

Әбунасыр Серіков пен Шырын Наршаева түсірілім алаңында сөзге келіп қалды, деп хабарлайды Stan.kz ақпарат агенттігі.

Әлеуметтік желідегі парақшалардың бірінде белгілі актер Әбунасыр Серіков пен атышулы ару Шырын Наршаеваның ұрсысып жатқан видеосы тарады.

"Сендер не түсіріп жүрсіңдер? Тәрбиесі бар нәрсе түсірмейсіңдер ме? Қанша халық қарап отыр ғой. Кішкене адамда ұят болу керек қой", - деп ашуланды өнер иесі. 

Алайда, желіде жалаңаш денесін көрсетіп, жұртты шулатқан Шырын Наршаева да қалыс қалмай актердің бетін қайтарып тастаған.

"Мені сөгетіндей қандай құқығыңыз бар?" - деп шорт кесті Наршаева.

Бұны естіген актер ашуға бой алған болуы керек. Әбунасыр Серіков сценарийді лақтырып, түсірілім алаңынан кетіп қалған. Өнер иесі түсірілім тобын Шырын Наршаевадан басқа қыз таппадыңдар ма деп сөкті.

"Осының өзінде сіз мені сыйламай отырсыз. Жасымды сыйламайсыз ба? Басқа қыз таппадыңдар ма, не? Өздерің ойнаңдар, онда!" - деп ашуланды Әбунасыр Серіков.