60 жастағы әйел "Буэнос-Айрес аруы" атағын алды (видео)
Буэнос-Айрестен келген 60 жастағы заңгер Алехандра Мариса Родригес 2024 жылы Буэнос-Айрес аруы атағын алған үлкен жастағы алғашқы әйел болды. Бұл туралы Stan.kz ақпарат агенттігі rg.ru басылымына сілтеме жасап хабарлайды.
Фото: Видеодан скрин
Сұлулық байқауы 18 бен 73 жас аралығындағы сайыскерлердің басын қосып, таптаурындарды бұзды.
"Мен сұлулық байқауларында осы жаңа парадигманы ұсынғаныма қуаныштымын. Өйткені біз әйелдер тек физикалық сұлулық туралы ғана емес, басқа да құндылықтар жиынтығымен ерекшеленеміз", - деді ол тәж кию рәсімінен кейін.
Оның айтуынша, судьялар оның "сенімділігіне және өз жасына қарамай сұлулық байқауына қатысқанына” таңданысын білдірген.
Родригес күзде "Әлем аруы" атағына таласуды жоспарлап отыр. Онда ол Доминикан Республикасынан келген 47 жастағы сұлулық байқауының жеңімпазымен бәсекеге түспек. 2023 жылы "Әлем аруы" ұйымы байқауға қатысушылар үшін ең көбі 28 жас деп белгіленген жас шектеуін алып тастады.
Көздері жарқыраған күлімсіреген сұлулық патшайымы Аргентина түсіндегі жарқыраған көк және ақ көйлек киіп, көзге ерекше түсті. Родригес Ла-Платадан және заңгер болғанға дейін журналист қызметінде істеген.
Родригес жас көріну үшін тәртіпті өмір салтын ұстанатынын айтты.
"Көп тамақтанбауға тырысамын. Сондай-ақ органикалық тағамдарды, көп жемістер мен көкөністерді жеуге, жақсы бет пен денеге арналған кремдерді қолданамын", - деді ол.
60 жастағы Родригес аптасына үш рет фитнес-клубта жаттығады. Бос уақытында жаяу серуендеп, жүгіреді екен. Ол мысықтарды жақсы көреді екен.