Прокурор 6 адам қағып, бір жігіттің өліміне себепкер болған Мақсат Үсеновті ақтап шықты

Жұма, 1 Шілде , 2016 7:35

Мақсат Үсеновтің ісінде ешқандай да жемқорлық жайт орын алған жоқ. Бұл туралы «Прокуратураға үздік кадрлар!», – деп аталатын дөңгелек үстел барысында Бас прокурор Жақып Асанов мәлім етті .

1713abce44c4ec5dd10f65496d4 (1)

Сурет: kapital.kz 

Бұл туралы Қазақпарат хабарлайды.

«Білесіздер ме, Үсеновтің теріс және оң жақтары да бар. Теріс жағы оның істеген ісі. Сол уақытта біз, құқық қорғау органдары халыққа дұрыс түсіндіре алмадық. Сондықтан әлеуметтік желіде адамдар талқылай бастады. Қарапайым түрде ғана түсіндіру керек еді. Үсенов төрт түрлі құқық бұзды. Біріншісі қылмыстық, үшеуі әкімшілік. ҚР-ның қолданыстағы қылмыстық кодексіне сәйкес, егер кінәлі және зардап шегуші тарап татуласса, онда прокурор да, сотта, ешкімде оны жоя алмайтындығын айту қажет еді. Бұл екі тараптың бұған дейінгі құқығы еді. Оны олар пайдаланды. Мұнда ешқандай жемқорлық әрекет жоқ», – деді Бас прокурор.

Осы ретте Жақып Асанов Мақсат Үсеновтің қалған үш әкімшілік құқық бұзушылық бойынша барынша ең жоғарғы жазаға тартылғандығын баса атап өтті.

«Екінші жайт, Үсеновтің феномені неде? Үсеновтен кейін барлығы, оның ішінде парламент те ойланып Заң қабылдады. Егер қылмыс жол көлік апаты барысындағы өлім-жітіммен байланысты болса, онда ешқандай да татуласу болмайды. Сол уақыттан бері мұндай қылмыстық құқық бұзушылық, қылмыста татуласу қолданылмайды», – деді ол.

Естеріңізге сала кетейік, Алматы тұрғыны Мақсат Үсенов 2013 жылы мас күйінде көлік айдап, 6 адамды қағып кеткен болатын. Одан бір жігіт қаза тапты. Екінші рет Мақсат Үсенов тізгіндеген көлік Тойота көлігімен соқтығысып, 38 жастағы келіншектің денсаулығына зақым келтірген болатын.

Екі жағдайда да Үсенов тараптардың кешірімін алып, әкімшілік жазамен шектелді.

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

3
Комментариев
  • Асель says:

    Пара бер де, бара бер…

  • Анонимно says:

    Оның мойында кан бар, коз жас,ананың ботам деп боздаган зарлы дауысы бар.

  • Анонимно says:

    Акшаң болса калтаңда талтаңдада талтаңда зан жок буларға зан карапайым бізге гана

Leave a Reply

Your email address will not be published.

Орташа айырбас бағамы
23.05.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар