30 градустан жоғары: Атырауда аптап ыстықта шеруге шығуға мәжбүр болған оқушылардың жағдайы нашарлап кетті
Атырауда 20-дан аса оқушы балаларды қорғау күніне орай жасалған шеруде өзін нашар сезінді. Бұл туралы Tengrinews.kz басылымына сілтеме жасап, Stan.kz хабарлайды.
фото: azh.kz
"Шеру кезінде күн ыстық болған соң 22 баланың жағдайы нашарлап кетті, басы сәл айналды. Дәрігерлер дер кезінде көмек көрсетіп үлгерді. Ешкім ауруханаға жатқызылған жоқ. Балалар үйіне кетті. Біз білім саласында жұмыс істейтін барлық қызметкерлердің арасында жағдайдың анық-қанығын анықтап жатырмыз. Жауапты адамды тауып, тиесілі шараларды қолданамыз", — деп хабарлады әкімдікте.
"Ақ Жайық" басылымының мәліметінше, балаларға біреу таңғы жетіде облыстық тарих-өлкетану мұражайына жиналу керектігін айтқан. Шеру сол жерде басталып, орталық көпірмен алаңға дейін жүріп өткен. Шеру сағат 09:30-да басталған.
Қала тұрғындарына күннің қатты ыситыны хабарланған. Қазір Атырауда температура 36 градустан жоғары.
"Әскерден келген соң үйленеміз деп еді": Каспийде қаза тапқан сарбаздардың жақындары жанайқайын жеткізді
Жанардың айтуынша, отбасы Олжасты қуанышпен күтіп отырған
"Алдымен үйленейік, кейін Сирияға барайық": Бейтаныс адамдар әлеуметтік желі арқылы қазақстандықтарды қалай арбайды
Әлеуметтік желіде ер адамға Сирияға барып соғысуды ұсынған