Желіде Семей қалалық полиция қызметкерлерінің саунадағы суреті пайда болды: Қызметтік тексеру жүріп жатыр
Семейдің сауналарының бірінде түсірілген суреттер әлеуметтік желіде пайда болды. Кадрларда полиция бөлімінің жеке құрамы түсірілген.
Ақпаратқа құқық қорғау органдарында түсініктеме берілді. Суреттер танымал блогер Руслан Лазутаның Instagram парақшасында пайда болды.
Пост авторының айтуынша, суретте Семей қалалық Орталық полиция бөлімі Жергілікті полиция қызметінің (ЖПҚ) басшысы, полиция майоры Сұңғатов Ришат өзінің қызметкерлерімен - учаскелік инспекторлармен бірге түскен.
Лазута фотосуреттер осы жылдың қаңтар айында карантинге және қоғамдық іс-шараларға тыйым салынғанына қарамастан «жаңа бастықтың лауазымын атап өту кезінде» саунада түсірілген деп жазады.
Басылымға ШҚО полиция департаментінде түсініктеме берді.
«Шынында да, әлеуметтік желілерде таратылған фотосуреттерде Семей полиция басқармасының қызметкерлері бар. Осы факті бойынша, ШҚО ДП ішкі қауіпсіздік басқармасы ресми тексеруді бастады», - деп хабарлады қорғау органдары.
Бұған дейін Атырау облысында полицейлердің есірткімен ұсталғаны туралы хабарланды. Қылмыстық іс қозғалды.