"Жарық, су, газ жоқ": Қостанайда ардагер әкімдіктен берілген пәтерінде жағдай жасалмағанын айтты

Қостанайда Ауған соғысының 83 жастағы ардагеріне мемлекеттік қордан пәтер берілген. Алайда ішінде коммуналдық жағдайы қарастырылмаған. Сондықтан Николай Матузков жуынып, ас әзірлей алмайды. Зейнеткерге ауқаттануға мейірімді көршілері көмектессе, суды ауладан суғару кезінде алады екен. 

Бұл туралы Stan.kz ақпарат агенттігі «Астана» арнасына сілтеме жасап хабарлайды.  

Николай Матузковқа 10 күн бұрын әкімдіктен берілген бір бөлмелі пәтердің ішінде коммуналдық жағдайы жасалмаған болып шыққан.  

«Жарық, суы жоқ. Шүмектердің бәрі сынып қалған. Газ да жоқ. Шай қайнатып іше де алмайсың. Ауланы суғарған кезде сол жерден су аламын», - дейді Ауғанстандағы соғыс ардагері. 

Зейнеткер өмір бойы Оңтүстік Қазақстан облысында тұрған екен. Жұбайы қайтыс болғаннан кейін, Қостанайдағы әпкесіне келген. Оның өлімінен кейін жиенімен дау туындап, салдарынан баспанасыз қалған. Артынша қиын жағдайда қалған жандарға арналған орталықта бір жыл тұрыпты. 

Қарияның қызы Лисаковскіде тұрады. Алайда әкесін алып кете алмайды. Себебі 5 баласы бар, оның үстіне біреуі жарымжан екен. Бүгінде қарияның жағдайына бей-жай қарай алмаған көршілері тамақтандырып жүр. Оның жағдайы туралы айтып, дабыл қаққан да – көршілері. 

«Желіде ол туралы ақпарат жарияладым. Көп адам көмек қолын созғысы келіп, мекенжайын, қандай көмек керек екенін сұрады», - дейді көршісі Вероника Климова.

Әкімдіктегілердің сөзінше, ардагер 2008 жылдан бері баспана кезегінде тұр. Қазір кезегі 1088-ге жетіпті. Шенеуніктер пәтерде коммуналдық қызметтердің өшірілгенін білмегендерін айтады. Иесіз үй таяуда мемлекет меншігіне өткен екен. Артынша оны қарияға уақытша баспана ретінде беріпті.

«Бұл жерде ешқандай жағдай жасалмағанын кеше ғана білдік. Жұмыстарды бастап кеттік. Су мен кәріз жүйесін қостық», - дейді қала әкімінің орынбасары Олжас Нұрғалиев. 

Ал әлеуметтік қызметтегілер ардагердің атаулы әлеуметтік көмектің бірнеше түрін алатынын және жыл сайын шипажайға жіберілетінін айтты. Алдағы уақытта оған әлеуметтік қызметкер бекітіледі екен. 

«Ол адам қарияға көмектесіп, қажет жерде жәрдемақылар, заңдық мәселелер туралы кеңес беріп, пәтерді жинауға, ас әзірлеуге, дүкенге, дәраханаға баруға жәрдемдеседі», - деді қалалық әкімдіктің жұмыспен қамту және әлеуметтік бағдарламалар бөлімінің меңгерушісінің орынбасары Любовь Швыдко.

Сонымен қатар әкімдіктегілер демеушілердің есебінен ардагердің пәтеріне газ плитасын орнатып, есігін жөндеп беретіндерін айтты. 

Талқылау
Пікір
Соңғы ЖАҢАЛЫҚТАР

YouTube арнасындағыдай попкорн пісірмек болған оқушы тірідей жанып кетті (видео)

Қыздың денесінің 96 проценті күйіп қалған

Тағы да жеңіліс: Күрестен әлем чемпионатында отандасымыз күміс жүлде алды

Күрестен әлем чемпионатында қазақстандықтар үшін алтын жүлде бұйырмай тұр

10 адам жараланды: Арыста тағы да жарылыс болды

Полигонда арнайы жұмыстар кезінде оқ-дәрі бөлшегі өздігінен жарылып кеткен

Тоқаевтың Нью-Йоркке неге баратыны белгілі болды

Бас Ассамблеяға қатысу үшін Нью-Йоркке 196 елдің өкілдері келеді

57 адам ұсталған: Министрлік заңсыз митингке шыққандар туралы мәлімдеме жасады

Жекелеген азаматтар елде тыйым салынған экстремистік ұйымның арандатушылығына ерген

Иттер талап тастаған: Қазақстандық әйел жаңа туған баласын мазарға тастап кеткен

Сәбидің денесін мазарда иттер сүйрелеп, талап тастаған

Үш жыл бойы алып келген: Оралдық көпбалалы әйелге мемлекеттен алған ақшасын қайтару міндеттелді

Үш жыл ішінде алған зейнетақыны мемлекетке қалай қайтаратынын білмей отыр

"Ессіз ғашықпын": Yuframe блогері тойға қызу дайындық үстінде

Айымның таңдауы Талғат Итбаев есімді бизнесмен жігітке түскен

Жоғалып кеткен астаналық барменнің өлі денесі табылды

Полиция қызметкерлерінің мәлімдеуінше, денеде зорлық-зомбылық белгілері жоқ

2025 жылға қарай Қазақстан пластикалық пакеттерден бас тартады

Қазақстанда пластиктен бас тарту алты жыл ішінде кезең-кезеңмен жүреді
Çàãðóçêà...
Қазір оқып жатыр