Жәнібек Әлімханұлы: Қазақ стилін әлемге танытатын уақыт келді
Фото: Спортшының жеке парақшасынан
Орта салмақта WBO және IBF белбеулерінің иегері Жәнібек Әлімханұлы (17-0, 12 KO) 6 желтоқсан күні АҚШ-та маңызды жекпе-жек өткізеді. Бұл туралы Stan.kz ақпарат агенттігі хабарлайды.
Оның қарсыласы – WBA тұжырымы бойынша әлем чемпионы кубалық Эрисланди Лара (31-3-3, 19 KO).
Бұл айқас Жәнібек Әлімханұлы үшін WBA, IBF және WBO тұжырымдары бойынша чемпиондық белбеулерді біріктіретін аса маңызды айқас болмақ.
Жәнібек Әлімханұлы бұл жекпе-жектің алдында үндеу жасады.
"Мен әуесқой бокста Азия чемпионатына, әлем чемпионатына, Олимпиадаға қатыстым, әлемнің барлық елін араладым. Енді өзімді, қазақ стилін әлемге танытатын уақыт келді", – деді Жәнбек Әлімханұлы.
Айта кетейік, егер Жәнібек бұл жекпе-жекте жеңіске жетсе, ол үш чемпиондық белбеуді біріктірген тұңғыш қазақстандық боксшы атанады. Қазір WBC титулы доминикандық Карлос Адамеске тиесілі.
Еске салсақ, Жәнібек Әлімханұлы мансабында 17 жекпе-жектің барлығында жеңіп, оның 12-сінде нокаут тіркеген. Ал 42 жастағы кубалық Эрисланди Лара, кәсіби мансабында 37 жекпе-жек өткізіп, оның 31-інде жеңіске жеткен, 3 рет жеңілген және 3 мәрте тең түскен.
