Соңғы ЖАҢАЛЫҚТАР
БАРЛЫҚ ЖАҢАЛЫҚТАР

"Жалақы алсаңдар ғана істеріңді қараймыз деді": Алматы облысында мүгедек балалары бар отбасы атаулы көмек ала алмай отыр

Алматы облысы Іле ауданы Ащыбұлақ ауданында ақ жаулықты аналар атаулы әлеуметтік көмекке құжат тапсыра алмай жатырмыз деп ашынды. 

Аналардың айтуынша, жергілікті шенеуніктер емізулі балалары бар аналарға курс оқып, жұмысқа тұрып, зейнетақы төлемін жүргізгеннен кейін ғана келіңдер деп сандалтып жіберіпті. Бұл туралы Stan.kz ақпарат агенттігі 31 арнаға сілтеме жасап хабарлайды.

Бес баласы бар Гаухар Маханова құрылысы бітпеген үйді паналап отыр. Бір баласы сал, тағы екеуінің дамуы кеш дейді. Жолдасы денсаулығына байланысты жұмыссыз. 7 адамнан тұратын отбасы жәрдемақымен ғана күн көріп отыр. 

Науқас баланың еміне деп берілетін қаражат тамақтан артылмайды деп отры. 

"Жағдайы, үйі-көлігі бар ауылдастарымыз бар атаулы көмекті алып отырған. Ал, менің үш балам мүгедек. Бізге бермейді", - дейді көпбалалы ана. 

Ащыбұлақта мұндай аналар көп. Әкімдік табысты көрсетпей, құжат рәсімделмейді деп кері қайтарған. 

"Бізде Ащыбұлақта 340 кәсіпорын бар. Сол жерге жолдама береміз. Курс болса, курс оқып, жұмысқа тұрып, жалақы алатыны жөнінде анықтама алса ғана базаға кіргіземіз", - дейді Ащыбұлақ ауылдық округінің әлеуметтік сұрақтар бойынша бас маманы Диларам Аланиязова. 

Ауылдағы 828 көпбалалы ананың 134-і ғана атаулы көмекті алады. 

Çàãðóçêà...
Қазір оқып жатыр