Ұзақ жылдар бойы достық қарым-қатынаста болған құрбылар апалы-сіңілі болып шыққан
АҚШ-та ұзақ жылдар бойы достық қарым-қатынаста болған екі қыз балалық шағында бір-бірін жоғалтқан әпкелі-сіңілі екені анықталды, деп хабалайды Stan.kz ақпарат агенттігі People басылымы хабарлады.
Кассандра Мэдисон және Джулия Тинетти 2013 жылы Коннектикут штатының Нью-Хейвен қаласындағы мейрамханада жұмыс істеген кезде танысқан. Қыздар бірден бір-бірінің ұқсастықтары көп екенін байқаған. Олар бір-біріне қатты ұқсаған және таныстыққа дейін екеуі де бірдей татуировка жасатқан. Екеуі де Доминикан Республикасында туып, АҚШ-та патронаттық тәрбиеде өскен.
Желден жүкті болып, бір сағаттан кейін бала босанған келіншек жұртты шошытты
Мэдисон мен Тинетти бала асырап алу туралы құжаттарын салыстырғанда, ондағы ақпарат сәйкес келмеген. Біраз жыл өткен соң Мэдисон 23andMe генетикалық тестінің көмегімен биологиялық әкесін тапқан. Онымен кездесу үшін ол Доминикан Республикасына барған. Ер адам оның жеті баласы болғанын айтып, бірақ кедейлікте өмір сүргендіктен, екі қызды асырап алуға басқа біреулерге бергенін айтқан.
Мэдисон асырап алынған екінші қыздың Тинетти екеніне күдіктенген. Осылайша қызға генетикалық тест жасауды ұсынған. Ол қыздардың апалы-сіңілі екенін растады, ал бала асырап алу құжаттарындағы мәліметтер қате екені анықталған.