Ұлыбританияда жүк көлігінен өлі табылған 39 адам қытай азаматтары болып шықты
Англияның шығысында жүк көлігінде өлі күйінде табылған 39 азамат Қытай азаматтары болып шықты.
Мәйіттер жүк көлігінен сәрсенбіге қараған түні Эссекс қаласында табылды. Көп ұзамай кісі өлтірді деген күдікпен жүргізуші ұсталды. Ол Солтүстік Ирландияның 25 жастағы тұрғыны Мо Робинсон.
Полиция жүк көлігінің Болгарияда тіркелгенін анықтады, бірақ британдық аралдарға Бельгияның Зебрюгге портынан Пурфлитке (Темза порты) Таррок әкімшілік ауданындағы жергілікті уақыт бойынша сағат 00:30 шамасында келді.
Түнгі сағат 01:40 шамасында Грейс қаласындағы жедел жәрдем қызметіне полиция бөлімінен қоңырау келіп түсті, онда қаланың индустриалды аймағында ондаған адамның денесі бар жүк көлігі табылды.
Бұл Ұлыбританияда Қытайдан келген заңсыз иммигранттардың жаппай қырылуының алғашқы оқиғасы емес.
Талдықорған маңындағы шетелдіктермен төбелес: Қытайдың 70 азаматы Қазақстаннан шығарылды
2000 жылдың маусым айында Довер портындағы голландиялық нөмірлерлі көліктен 58 адамның мүрдесі табылды. Содан кейін тергеу адамдардың тұншығып мерт болғанын анықтады. Ол кезде де бір күн бұрын Эссексте табылған жүк машинасы сияқты жүк көлігі Ұлыбританияға Бельгияның Зеббругге порты арқылы келді. 2004 жылы ақпанда Ланкашир патшалығында мидия жинап жүрен 23 қытайлық заңсыз иммигранттар толқынға батып кетті.