"Үйленгенде тойыма шақырамын": Димаш Құдайберген қазақстандық Ник Вуйчичпен футбол ойнады
Қазақстандық Ник Вуйчич атанған жас жеткіншек Әли Әмір өзінің инста парақшасында Димаш Құдайбергенмен футбол ойнағанын, болашақта үйлену тойына шақыратынын айтып жазба қалдырды, деп хабарлайды Stan.kz ақпарат агенттігі.
Өзін үздік мотиватор санайтын жеткіншек Димашпен бірге футбол алаңында доп ойнап жүргендерін салып: "Керемет ойын мен кездесу үшін көп рахмет. Димаш аға маған қолтаңбасы бар допты сыйлап қана қойған жоқ, ең бастысы, бізбен футбол ойнап, қуанышқа, бақытқа бөледі", - деп өз ризашылығын білдірді.
Естеріңізге сала кетейік, жас жеткіншек танымалдылыққа ие. Ол бұған дейін де Yuframe блогерлерімен, Астана қаласының экс-әкімі Әсет Исекешовпен де, әлемдік үздік мотиватор Ник Вуйчичпен де кездескен.
Талқылау