Түркістан облысында президент кортежі жүріп өтетін жолда жасырылған қару-жарақ табылды
Түркістан облысында президент Тоқаевтің кортежінің жүру бағытын тексеру кезінде жасырылған қару-жарақ табылды. Бұл туралы Stan.kz ақпарат агенттігі хабарлайды.
Фото: akorda.kz
Полиция осы факті бойынша қылмыстық іс қозғады.
“Түркістан облысында мемлекет басшысының кортежінің жүру бағытын тексеру кезінде ІІМ, ҰҚК қызметкерлері МКҚ-мен бірлесіп жасырылған қару-жарақ тапты”, – делінген хабарламада.
Қазіргі уақытта барлық мән-жайды анықтау және күдікті адамдарды ұстау бойынша қажетті жедел-іздестіру және тергеу іс-шаралары жүргізіліп жатыр.
Тергеу мүддесі үшін басқа ақпарат жарияланбайды.
Еске салсақ, бұған дейін президент Қасым-Жомарт Тоқаевтың Түркістан облысына жұмыс сапарымен барғанын жазған едік.
Талқылау