Түркістан облысында қару ұрланған сарбаздың ісі: Дивизия командирі ұсталды
Ішкі істер министрі Ерлан Тұрғымбаев Түркістан облысындағы қару-жарақ ұрлап қашқан әскердің ісіне байланысты дивизия командирі ұсталғаны жайлы айтты, деп хабарлайды Stan.kz ақапарат агенттігі.
«Қазіргі уақытта 29 автомат, 24 тапанша мен оқ-дәрі тәркіленді. Әскери бөлімнен қару-жарақты жымқыру фактісі бойынша тергеу амалдары жүргізіліп жатыр. Сонымен қатар сол күні кезекшілікте болған әскери жасақтың немқұрайлылығы бойынша екінші қылмыстық іс қозғалды. Себебі дәл осындай мөлшердегі қаруды қалай алып кеткенін анықтау керек. Әскери бөлімнің басшылығы мен әскери жасақтың әрекетіне жеке құқықтық баға беріледі», - деді министр.
Еске салайық, бұған дейін Шымкентте жақын жерде орналасқан бөлімнен қару асынған әскер бөлімнен кетіп қалғаны жайлы айтылған еді. Көп ұзамай сарбаздың өзі мен оның сыбайластары қолға түсіпті.
Талқылау