Тоқаев парламенттің бірінші сессиясын шақыру туралы жарлыққа қол қойды

Сегізінші сайланған Қазақстан Республикасы парламентінің бірінші сессиясы 29 наурызда өтеді, деп хабарлайды Stan.kz ақпарат агенттігі. 

"Қазақстан Республикасы Конституциясының 59-бабының 2-тармағына сәйкес қаулы етемін: Сегізінші сайланған парламенттің бірінші сессиясы 2023 жылғы 29 наурызда сағат 10-да Астана қаласында шақырылсын", - делінген мемлекет басшысы Қасым-Жомарт Тоқаевтың жарлығында.

Осы Жарлық қол қойылған күнінен бастап қолданысқа енгізіледі.

Бүгін, 27 наурызда Орталық сайлау комиссиясы 19 наурызда өткен мәжіліс сайлауының түпкілікті қорытындысын жариялады. Оған сәйкес мәжіліске алты партия – Amanat, Ауыл, Respublika, Қазақстан халық партиясы, "Ақ жол", Жалпыұлттық социал-демократиялық партиясы өтті.

Депутаттық мандаттар саяси партиялар арасында былай бөлінді:

Amanat партиясы – 40;

"Ауыл" партиясы – 8;

Respublika партиясы – 6;

Қазақстан халық партиясы – 5;

"Ақ жол" партиясы – 6;

Жалпыұлттық социал-демократиялық партиясы – 4.

Қалған 29 депутат мәжіліске бір мандатты округтер бойынша сайланды.