Бұл жайлы JUA президенті, Обайд З. Аль-Анзи мырза өзі хабарлап, Турсумбаевтың жоғары кәсіби деңгейін, серіктестік бағдарламалар мен демеушілік бағытында, сондай-ақ аймақта дзюдо спортын дамытуға қосатын үлесін ерекше атап өтті:

"Бұл — Қазақстанды халықаралық аренада танытудың үлкен құрметі мен мүмкіндігі. Мен бұл рөлді дзюдоны дамытуға, байланыстарды нығайтуға және халықаралық ынтымақтастықты кеңейтуге қолдануға ниеттімін", — деді Тимур Турсумбаев.

Бұл тағайындау Қазақстан Республикасының Президенті Қасым-Жомарт Тоқаев белгілеген спорт саласындағы реформалар бағытымен сәйкес келеді. Жаңа Туризм және спорт министрі Ербол Мырзабосыновтың белсенді қолдауымен жеке бастамалар мен аймақтық жобаларды, соның ішінде жекпе-жек спорт түрлерін дамытуға баса назар аударылуда.

Тимур Турсумбаев басқаратын JENYS клубы бүгінде қазақстандық дзюдоның жұлдыздары — Олимпиада чемпионы Елдос Сметов пен Олимпиаданың қола жүлдегері Ғұсман Қырғызбаев үшін нағыз үйге айналды.

2023 жылдан бастап қазақстандық Алмаз Альсенов Халықаралық дзюдо федерациясы (IJF) президентінің кеңесшісі болып қызметін атқарып келеді. Осылайша, Тимур Турсумбаев дзюдо әлемінде жоғары жетекшілік лауазымға ие болған екінші Қазақстан азаматы атанды.

Қазақстандық маманның JUA басшылығына қосылуы — еліміздің дзюдо әлеміндегі көшбасшылығын мойындау ғана емес, сонымен қатар бүкіл аймақ үшін халықаралық турнирлерді өткізу, білім беру бастамалары мен инфрақұрылымдық жобаларды жүзеге асыру сияқты жаңа мүмкіндіктердің ашылуы.

Өмір айнасы