Соңғы ЖАҢАЛЫҚТАР
БАРЛЫҚ ЖАҢАЛЫҚТАР

"Таза Қайраттың табысымен": Гүлзира Айдарбекова күйеуінің жаңа бизнесі туралы айтты

Гүлзира Айдарбекова күйеуінің жаңа бизнесі туралы айтты, деп хабарлайды Stan.kz ақпарат агенттігі "Қарақатпен шай" бағдарламасына сілтеме жасап. 

Белгілі продюсер отбасындағы негізгі табыс көзі қайдан келетінін айтты. Қазіргі таңда күйеуі Нұртас Айдарбек жеке бизнес бастап, үлкен істі қолға алған көрінеді. Алайда, бұл кәсіптері ұлының табысының арқасында басталған. Енді ғана қабырғасы қаланып біткен сауда орталығы әлі ақша әкеле қоймағанмен, болашақта сұранысқа ие болады деген үміт артып отыр жұлдызды отбасы.

"Нұрекең бизнес жасап жатыр. Таза Қайраттың табысымен қолға алды. Ешкімнен қарыз сұраған жоқ, несие алмадық. Қалай ұлым табыс тауып келеді, бірден соған құйып жатырмыз. Үлкен сауда орталығы болады. Үсті қонақ үй, асты сауда орталығы, көлік жуатын жері бар, моншасы бар. Қазіргі таңда сыртын қаптап жатыр. Бұл кәсібіміз Қайраттың атымен аталмайды", - деді Гүлзира Айдарбекова.

Сонымен қатар, өнер иесі үйдің шығынын Қайрат Нұртастан кейінгі екі ұлы өтейтінін айта кетті. Өз беттерімен жұмыс жасап, еңбекпен күндерін көруді жөн санайтын екі ұлын айтып мақтанды Гүлзира Айдарбекова.

"Заңғар мен Аян бірдей табыс табады. Екеуінікі де бизнес. Аянның өзінің мейрамханасы бар. Біз тамақты Қайраттың ақшасына алмаймыз. Аян тамақты әкеліп отырады. Заңғар үй шығындарын төлейді", - дейді Гүлзира Айдарбекова. 

Çàãðóçêà...
Қазір оқып жатыр