"Маккаби" жанкүйерлері "Астон Вилламен" өтетін матчқа қатыса алмайды"
Тель-Авивтің "Маккаби" клубының жанкүйерлері 6 қараша күні Бирмингем қаласындағы "Вилла Парк" стадионында өтетін Еуропа лигасының 4-тур ойынына бара алмайды. Бұл туралы Stan.kz ақпарат агенттігі хабарлайды.
Бұл туралы "Астон Вилла" өз ресми сайтында хабарлады. Ағылшын клубының мәліметіне сәйкес, жанкүйерлердің ойыннан тыс қалуына қоғамдық қауіпсіздікке қатысты мәселелер себеп болған.
Уэст-Мидлендс полициясы матч күні стадион аумағынан тыс жерлерде тәртіпсіздіктер болуы мүмкін екенін айтып, қауіпсіздікті толық қамтамасыз ете алмайтынын ескерткен.
"Астон Вилла" бұл шешімге қатысты УЕФА және "Маккаби" басшылығымен тығыз байланыста жұмыс істегенін, басты мақсат – матчқа келетін жанкүйерлер мен жергілікті тұрғындардың қауіпсіздігін қамтамасыз ету екенін атап өтті. Айта кетейік, ағылшындық клуб 6 қараша күні өз алаңында Тель-Авивтің “Маккаби” клубын қабылдайды.
Қазақстанды дүр сілкіндірген лесбиянкалар отбасындағы өлім: Өзінен 12 жас үлкен әйелмен некелескен Кристина Чернышева оның қолынан қалай көз жұмды
Қыздың денесі қаланың шетіндегі мола жанынан табылған
Қазақстандағы ең ірі мәмілелер: "Қазақмыс" пен "Қазцинктің" жаңа қожайындары туралы не белгілі
Саясаттанушылар екі кәсіпкер мен олар жасаған мәмілеге қатысты пікір білдірді