Соңғы 10 жылда алғаш рет Қазақстаннан көшкендерге қарағанда келгендер саны артқан

ҚР Еңбек және халықты әлеуметтік қорғау министрі Тамара Дүйсенова Қазақстанда соңғы 10 жылда алғаш рет көші-қон балансы жақсарғанын мәлімдеді. Бұл туралы Stan.kz ақпарат агенттігі хабарлайды. 

Министрдің айтуынша, қазіргі геосаяси жағдай мен шаралар соңғы 10 жылда алғаш рет көші-қонға оң әсерін тигізген. 

"Көбінесе шетелдіктер тұрақты тұруға ТМД елдерінен, Қытай мен Моңғолиядан келеді. Сонымен қатар техникалық (1,4 мың адам), экономикалық (577 адам), педагогикалық (288 адам) және медициналық (191 адам) білімі бар шетел азаматтары көбірек келе бастады", - деді Тамара Дүйсенова.