Әйел қирандылардың астынан үш күнде екі рет құтқарылған
Сирияда Джандарис қаласының тұрғыны жер сілкінісінен кейін үйінің қирандыларынан үш күнде екі рет құтқарылды деп хабарлайды Stan.kz ақпарат агенттігі BBC арнасына сілтеме жасап.
Дима есімді әйел жүктіліктің жетінші айында үйінділердің астында қалып қойған. Ол тұрған үйдің бір бөлігі жер сілкінісі салдарынан құлаған. Жәбірленуші сол кезде жеңіл жарақат алған. Үйінділерден шығарылған соң ол ауруханада жатып, Аднан есімді ұл туды.
Ауруханадан шыққаннан кейін Дима жартылай қираған үйге оралады, өйткені оның басқа баспанасы жоқ еді. Үш күннен кейін ғимарат ақыры құлады. Құтқарушылар анасы мен баласын қирандылардың астынан қайта шығарды. Нәресте ауыр жағдайда ауруханаға жатқызылды, ал әйел аяғынан ауыр жарақат алды.
Педиатр Абдулкарим Хусейн әл-Ибрахим баланың жағдайы жақсарып келе жатқанын айтты.
Дима ауруханадан қайта шығарылды. Қазір ол күйеуі Абдул Маджид және жиендерімен бірге тұрады. Алайда бала әлі ауруханада.
Талқылау
“Қазақ әйелін аяққа таптайды, байлар жарысады: Тоқал алуды заңдастырудың соңы неге әкеп соғады?
Депутат Абзал Құспан тоқал алуды заңмен реттеу қажет екенін айтқан еді
Қазақстанда Coca Cola мен Pepsi сусындарының өндірісі тоқтай ма: Желіде жұртшылық алаңдаушылық танытты
Тұтынушы: "Енді бізге "Кола" Өзбекстаннан әкелініп жатыр екен"