Жел соққан кезде бұл үйдің қасынан өту қауіпті. Әріптестер қазір кадрда көрсетсе таңертең болған оқиғаны. Көліктің үстіне кафель келіп құлаған. Абырой болғанда адам зардап шекпепті. Тұрғындардың айтуына қарағанда бұл ьірінші рет болып отырған жайт емес, олар көндігіп үйреніп қалған. Сұраулары бір, жауапты органдар шешім қабылдаса екен дейді. Себебі, адам шығыны болуы мүмкін.

Сөзім өтімді, дәлелім сенімді болсын. Міне, қараңыздар!. Салынғанына 10 жылдан асқан көпқабатты үйдің сиқы осы. Тұрғындар «шықпа жаным шыпамен» күндерін өткеріп жатыр. Тәубә, әзірге кафельдер көліктердің үстіне құлауда.

«Көрініп тұр өзі. Жалпы бұл адам өміріне де қауіпті ғой. Қарасаңыз түсіп жатыр.Алла сақтасын», - дейді тұрғын Дархан Тілепберген.

Кафель ұшқаны жаңалық болмаса, жиырылып қалған балкондарға қарап не айтуға болады? Егер жоғары жағындағы бірі төмен қарай сөгітіліп құлдилайтын болса, төмендегілерді түгел жапырып әкететіндей.

«Бәрі қирап жатыр. Балкон қорқынышты. Сыртынан қатты байқалмағанымен ашығын айтайын, адам өміріне қауіпті», - қала тұрғыны Ләззат Хасанова.

Біз дәл қазір елорданың қақ ортасында орналасқан 25 қабатты үйдің 13-қабатында тұрмыз. Өздеріңіз көріп тұрғандай қыс басталмай жатып бұл жердің балконы сыр бере бастаған және әйнектері сынған. Тұрғындардың айтуына қарағанда бұл тек бастамасы ғана.

2012 жылдан бері санасақ бұл үйдің тұрғындары 7 жыл бойы осы жағдаймен алысып келеді. Бар ақшаларын құрылысқа салған. Амал жоқ апатты үйде тұрып жатыр. Тұрғындардың айтуынша, бұл үйді атышулы "Тамыз Инвест Групп" салған.

Құрылыс компаниясына бір алданып, әкімдіктің табалдырығын тоздырған астаналықтар екі ортада қалып кеткен.

«Менің білуімше, бұл үй 18 қабатты болуы керек еді. Бірақ көріп тұрғандарыңыздай 25 қылып бір-ақ салыпты. Басқа да көптеген талаптар сақталмаған. Тұрғындардың бәрін пәтерлеріне кіргізді, бірақ жалпы тұрғын үйдің өзі қолданысқа берілмегенін ешкім айтады ғой. Үйдің толыққанды иесі екеніміз жайында құжат жоқ. Сондықтан мүлігіңді сата да алмайсың. Әне шешіледі, міне шешіледі деген құрғақ уәдеге тойдық», - деді қала тұрғыны Даниил Глумов.

Шөкеев, Мамин, Тасмағамбетов, Жақсыбеков, Исекешов, Сұлтанов. Енді міне, Көлгінов. Соңғысын есептемегенде бұл үй салынып басталып, ақыры шумен аяқталғанға дейін елорданы азды-көпті 6 әкім басқарып кеткен екен. Шаруаның шешілгені шамалы. Әбден шаршаған Петров көшесіндегі тұрғын үйдің тұрғындары «енді бар үмітіміз бір ғана адамда дейді.

“Осы сәтті пайдала отырып сіздер арқылы президентіміз Қасым-Жомарт Кемелұлынан көмек сұрағым келеді. Басқа сенім артар адамымыз қалмады. 2005 жылдан бері келе жатқан даулы мәселенің нүктесін қоюға көмектесуін өтінеміз. Бірінші, құрылыс жұмыстары толық аяқталса екен. Екінші, уақытша тоқ беріп тұрған трансформаторды алып тастап, бізді қалалық электр желісіне жалғаса. Үшінші, өрт қауіпсіздігі шараларының бірі де сақталмаған. Ертең өрт шықса, арты қайғымен аяқталады. Осыны реттеу қажет. Төртінші мәселе, құжаттарымыздың реттеуі керек. Бұл бүкіл үйдің сұрауы", - дейді Орбита тұрғын үй кооператив төрағасы Наиль Есенаманов.

Қар жауып, боран соғатын күндер алда. Тақтар ойыны сериалына салып айтатын болсақ «Зима близко!». Ал бұл жердегі азаматтардың мәселе бір орнынан қозғалған жоқ. Тұрғындар не дейді? Тұрғындар «Құдай бетін ары қылсын, бірақ жазатайым адам өлімі болмай, біз естір құлақ жоқ» деп отыр. Осыны атқамінерлер естісе екен.

Талқылау