Полиция Ресей үшін Қазақстанға қарсы соғысатынын айтқан азаматтың сөзін тексереді
Полиция Ресей үшін Қазақстанға қарсы соғысуға дайын екенін айтқан Ақмола облысы тұрғынының сөзін тексереді, деп хабарлайды Stan.kz ақпарат агенттігі ҚазТАГ басылымына сілтеме жасап.
Интернеттегі чат-рулеткада украиналық тележүргізушінің сұрақтарына жауап берген ер адам Ресей Қазақстанның солтүстік аймақтарын "тартып алса" қуанатынын жеткізген. Сонымен қатар Қазақстан азаматы бола тұра Ресей үшін соғысуға дайын екенін мәлімдеді.
"Бұл дерек Жарқын аудандық полиция департаментінің ақпараттарды тіркеу кітабына енгізілді", - деп жауап берген полиция өкілдері.
Әлеуметтік желіде ер адамның видеосы тарап, оның есімі Руслан Елфимов екені көрсетілген. Сондай-ақ Қазақстан қару күштерінің формасымен түскен суреті де қоса жарияланды.
"Бізден 100 есе жоғары алады": Қазақстан мен шетелдік дәрігерлердің жалақысын салыстырып көрдік
Алматының ауруханасында жұмыс істейтін дәрігерлер 160-250 мың теңге алады
Қазақстанда биыл БАҚ өкілдерін марапаттауға 35,2 миллион теңге бөлінген
Ал 2021 жылы журналистерді ынталандыруға тек 14,5 миллион теңге бөлінген