"Петициямен шешілмейді": Қазақстанның бір қаласында әкімдік Назарбаев даңғылының атауын өзгертуден бас тартты
Қарағандыдағы тұңғыш президент атындағы даңғылдың атауы өзгертілмейді. Әкімдік "Бейбітшілік бульвары" ескі атауын қайтаруды талап етіп, петиция жариялаған қарағандылықтардың өтінішін қабылдамады. Бұл туралы Stan.kz ақпарат агенттігі хабарлайды.
Фото: novoetv.kz
Қарағандыда Назарбаев атындағы даңғыл бар. Бірақ тұрғындар бұрынғы "Бейбітшілік бульвары" атауын қайтарғысы келеді. Алайда әкімдік бұл петициямен шешілетін мәселе емес дейді.
"Елді мекендердің құрамдас бөліктерінің атауларын өзгерту "Қазақстанның әкімшілік-аумақтық құрылымы туралы" заңында көзделген. Яғни шағын аудандар, қалалық аудандар, алаңдар, даңғылдар, бульварлар, көшелер, жолақтар, саябақтардың атауы сол заң бойынша анықталады. Заңға сәйкес, петицияда әкімшілік-аумақтық құрылым мәселелері талқыланбайды", – деп түсіндірді Қарағанды әкімдігі.
Петиция авторлары Бейбітшілік бульвары даңғылы бірнеше ондаған жылдар жалғасып келе жатқан тарихи атау екенін атап өтті.
Еске салсақ, СҚО әкімі Петропавл атауын Қызылжар деп өзгерту жоспарда жоқ екенін айтқан еді.
“2 миллиард теңгеге жуық“: Қазақстан өңірлері 2026 жылды қарсы алуға қанша қаражат жұмсайды?
