ОСК мәжіліс депутаттығына Қазақстан халық партиясының барлық кандидаттарын тіркеді
Орталық сайлау комиссиясы Қазақстан халық партиясының атынан қатысатын мәжіліс депутаттығына кандидаттардың барлығын тіркеді, деп хабарлайды Stan.kz ақпарат агенттігі. Бұл жөнінде 11 ақпанда ОСК отырысында белгілі болды.
Ашық дереккөзден алынды
Партия төрағасы Ермұхамет Ертісбаев басқаратын ҚКП-ның 52 кандидатының барлығы Конституция мен "Сайлау туралы" конституциялық заң талаптарына сай келеді деп танылған.
Партиялық тізімде алты түрлі ұлт өкілдері бар. Барлық үміткерлердің 32,6% әйелдер, жастар және мүгедектер құрайды.
Партиялар арасында бірінші болып съезд өткізген Қазақстан халық партиясының парттізімінде 52 адам бар. Арасында партия жетекшісі Ермұхамед Ертісбаев, бұрын партия атынан мәжілісте депутат болған Ирина Смирнова, Айқын Қоңыров, Жоғарғы соттың бұрынғы жетекшісі Мұсабек Әлімбеков және өзгелер бар. Партия бірмандатты округ бойынша бірнеше кандидат ұсынған.
- Ринат Зайытов не себепті "AMANAT" партиясына кіргенін айтты
- Қазақстанда мәжіліс депутаттығына 7 партиядан 283 кандидат бәсекелес болады
Алдыңғы сайлауда 2021 жылдың 10 қаңтарында аталған партия 9 пайыздан астам дауыс жинаған, сондықтан заңға сәйкес ол сайлау жарнасын төлеуден босатылды. Бұрынғы сайлауда 5 пайыздан астам дауыс алған партиялар мұндай құқыққа ие болады.
Айта кетейік, мәжіліс пен барлық деңгейдегі мәслихаттар депутаттығына кандидаттарды тіркеу 18 ақпанға дейін жалғасады. Сайлау 19 наурызда өтеді.
"Бізден 100 есе жоғары алады": Қазақстан мен шетелдік дәрігерлердің жалақысын салыстырып көрдік
