Оқушы қызды сыныптасы мектеп дәлізінде жарты сағат бойы зорлады

АҚШ-тың Техас штатында өте қорқынышты оқиға болды. 16 жастағы орта мектеп оқушысы мектеп дәлізінде аяусыз зорланды.

Жәбірленушінің айтуы бойынша, шабуылдаушыға жалынғанымен ол сөзіне құлақ салмаған. 

Оқиға Хьюстондағы Mayde Creek High School мектебінде болған.

Оқушының айтуынша, ол үзіліс кезінде түскі асқа барған. Алайда ол тамақ ішіп үлгермеген. Дәл осы кезде сыныптастарының бірі оны жыныстық қатынасқа тартты. Ол бұған дейін қызға сезімін білдіріп жүрген жігіт, деп хабарлайды The Sun.

«Ол мені жерге лақтырып жіберді, шалбарымды шешіп, жыныс мүшеме қол жүгіртті. Осыдан кейін ол мені зорлады», - деді 11-сынып оқушысы.

Жәбірленушінің айтуынша, жігіт өзін 30 минут зорлады. Осы уақыт ішінде айқайларға қарамастан ешкім көмекке келмепті.

Зорлаушы мектеп қоңырауы соғылғаннан кейін ғана тоқтайды. Осы кезде ол шалбарын киіп, сабаққа жүгіріп кетеді.

Бұл жағдай мұғалімдерді де, қыздың ата-анасын да таңғалдырды. Жәбірленушінің анасы мектепті балалардың қауіпсіздігін қамтамасыз етпеді деп айыптауда.

Билік оқушының айыптары расталса, жанжалды істі тергеуге және кінәлілерді жазалауға уәде берді.