LED-экрандағы интимді жарнама астаналықтардың ызасын тудырды (видео)
Фото: Freepik
Астананың орталығында, Keruencity сауда орталығына қарсы бетте орналасқан шолу дөңгелегі маңындағы картодромда көпшіліктің наразылығын тудырған оқиға орын алды. Көп жүретін бұл аумақта орнатылған LED-экранында әдепсіз, интимдік сипаттағы жарнамалар көрсетілген. Бұл туралы Stan.kz ақпарат агенттігі хабарлайды.
Желіде тараған бұл бейнежазба үлкен сынға ұшырап, қоғамда резонанс тудырды. Қала тұрғындары наразылық танытып, "Әкімдік қайда қарап отыр?" және "Неге полиция бұл үшін айыппұл салмайды?" деген сұрақтар қоюда.
Астана полиция департаменті жарнамаға қатысты пікір білдірді.
"Әлеуметтік желілерді бақылау барысында LED-экранда орынсыз мазмұндағы хабарландыру ілінгені анықталды. Бұл факт тіркеліп, компания өкілдерінің қатысуымен тексеру жүргізілді. Басшылық хабарландыру жарияланған кезде заң бұзушылық Wi-Fi желісін бұзып кіру арқылы жасалғанын түсіндірді", — деді полицияда.
Осы факті бойынша материалдар жергілікті атқарушы органға жіберіліп, жарнама туралы заңның бұзылуына қатысты жауапкершілікке тарту шаралары қарастырылып жатыр.
Талқылау
“Қазақ әйелін аяққа таптайды, байлар жарысады: Тоқал алуды заңдастырудың соңы неге әкеп соғады?
Депутат Абзал Құспан тоқал алуды заңмен реттеу қажет екенін айтқан еді
Қазақстанда Coca Cola мен Pepsi сусындарының өндірісі тоқтай ма: Желіде жұртшылық алаңдаушылық танытты
Тұтынушы: "Енді бізге "Кола" Өзбекстаннан әкелініп жатыр екен"