AAPL
141.56 $
1.89 %
TSLA
699.2 $
2.55 %
NDAQ
157.49 $
1.22 %
GOOGL
2265.26 $
4.16 %
FRHC
44.98 $
1.33 %
AAPL
141.56 $
1.89 %
TSLA
699.2 $
2.55 %
NDAQ
157.49 $
1.22 %
GOOGL
2265.26 $
4.16 %
FRHC
44.98 $
1.33 %
Соңғы жаңалықтар
Соңғы жаңалықтар

Батыс Қазақстанда ескі қонақүйдегі аудандық емхана жаңа ғимаратқа көшеді

"AMANAT" партиясының Атқарушы хатшысы Асхат Оралов Батыс Қазақстан облысында партияның сайлауалды бағдарламасының ауылдық елді мекендерде орындалу барысын тексерді. Ал Оралда партия активімен және зиялы қауым өкілдерімен бірқатар кездесулер өткізіп, алдағы референдумның маңызын талқылады.

Теректі ауданы Магистральное ауылының тұрғындары бірнеше жылдан бері елді мекенге кірер жолдың сапасына шағымданып келеді. Бұл мәселе партияның 2021 жылға арналған аудандық сайлауалды бағдарламасын іске асыруға арналған Жол картасына енгізілді. Алайда жергілікті атқарушы орган осы мақсатқа бюджеттен қаражат бөлмеген.

Жергілікті тұрғындармен кездесу барысында Асхат Оралов партияның облыстық филиалы мәслихаттағы "AMANAT" фракциясының депутаттарымен бірлесіп, биылғы бюджетті нақтылау кезінде осы мәселені шешуге қаражат бөлуді қамтамасыз еткенін жеткізді. Жергілікті атқарушы орган өкілдерінің мәліметінше, жыл соңына дейін жолдың 1,8 шақырымы жөнделеді.

Бұдан соң "AMANAT"-тың Атқарушы хатшысы Теректі ауылындағы бір ауысымда 200 адам қабылдайтын аудандық емхананың құрылысымен танысты. Қазір медициналық мекеме орналасқан ғимарат 1972 жылы қонақ үй кешені ретінде пайдалануға берілген.

"Тұрғындардың талап-тілегіне сәйкес, жаңа ғимараттың құрылысы партияның сайлауалды бағдарламасына енгізілген. Бұл әлеуметтік маңызды нысан болғандықтан, Мәжілістегі "AMANAT" фракциясының депутаттары мен Үкімет мүшелері бірлесіп, құрылыстың мерзімі мен сапасын тұрақты бақылауға алады. Ол аяқталғаннан кейін Теректі ауданының 40 мыңға жуық тұрғыны сапалы медициналық қызметке қол жеткізеді", деді Асхат Оралов.
Осы күні Орал қаласында партияның Атқарушы хатшысы Дарынды балаларға арналған №8 облыстық мамандандырылған мектеп ұжымымен және оқушылардың ата-аналарымен кездесті.

2019 жылы мектеп ғимараты апатты деп танылып, оқушылар №37 орта мектепке ауыстырылған. Ата-аналардың айтуынша, бұл жағдай қолайсыздық туғызып, оқу процесіне де кері әсер етіп отыр. Әкімдіктің мәліметі бойынша, өткен жылы ғимаратқа күрделі жөндеу жүргізуге жобалық-сметалық құжаттама әзірленген. Алайда облыстық бюджеттік комиссия өтінімді қолдамады. Бұл мәселе енді партиялық бақылауда және жуық арада шешімін табады. 

Оралдағы зиялы қауым өкілдерімен кездесуде Атқарушы хатшы "AMANAT" партиясы Конституцияға енгізілетін өзгерістер мен толықтырулардың маңыздылығын терең түсіне отырып, алдағы референдумды өткізуді толық қолдайтынын атап өтті.

Кездесуге қатысушылар да жалпыхалықтық референдум өткізуді қолдап, аймақ тұрғындарының оған белсенді қатысатынына сенім білдірді.
"Ата Заңымыздың үштен бір бөлігіне өзгерістер мен толықтырулар енгізілгелі отыр. Отандастарымыз осы саяси оқиғаның мән-маңызын түсініп, өздерінің азаматтық ұстанымын көрсететініне сенімдімін", деді М.Өтемісов атындағы Батыс Қазақстан университетінің профессоры Қуандық Мәдір.

Өз кезегінде партия ардагері Нұрзия Сисенбаева алдағы референдум ел дамуының жаңа мүмкіндіктеріне жол ашатынын атап өтті.

"Біз Президент Қасым-Жомарт Тоқаевтың төңірегінде топтасып, қоғам болып бірігуіміз керек. Жаңа Конституция "Жаңа Қазақстанға" бастайтын өзіндік жол болатынына және қазақстандықтардың бүкілхалықтық референдумға белсенді қатысатынына сенімдімін", деді Нұрзия Сисенбаева.

Сондай-ақ, Орал қаласында "AMANAT" облыстық активінің жиналысы өтіп, онда партияны трансформациялау және жобаларды тиімді жүзеге асыру мәселелері талқыланды. Бүгінде өңірде 26 мыңнан астам аманаттықты біріктіретін 219 бастауыш партия ұйымы жұмыс істейді.

Талқылау
Пікір
Қазір оқып жатыр
Қазір оқып жатыр