Соңғы жаңалықтар
Соңғы жаңалықтар

Миллионерлер тобы үкіметке өздерінен көбірек салық алуды ұсынды

Әлемдегі 100-ден астам бай адамдардан тұратын топ үкіметтерді олардан көбірек салық алуға шақырды, деп хабарлайды Stan.kz ақпарат агенттігі Oxfam International ұйымының сайтына сілтеме жасай отырып.

"Патриоттық миллионерлер" деп аталатын ұйым әлемдегі өте бай адамдардың коронавирус пандемиясынан кейін әлемдік экономиканы қалпына келтіруге үлес қосуға ниеттенбейтінін айтты. Осыған байланысты миллионерлер Давостағы Дүниежүзілік экономикалық форумға ашық хат жолдап, байлардан көбірек салық жинауға шақырды.

“Миллионерлер ретінде біз қазіргі салық жүйесі әділетсіз екенін білеміз. Соңғы екі жылда әлем көптеген қайғы-қасіретті бастан кешіргенімен, біз пандемия кезінде әл-ауқатымыз өсе түсті. Алайда салықты шынымен де әділ төледік деп айта алатындар саны аз", – делінген олардың ашық хатында.

Хатқа қол қойғандар арасында Disney компаниясының мұрагері Эбигейл Дисней, америкалық кәсіпкер, Amazon бөлшек саудасының алғашқы инвесторларының бірі Ник Хенауэр, дат-иран кәсіпкері Джаффар Шальчи және австриялық студент және BASF мұрагері Марлен Энгельхорн бар.

Ұйымның айтуынша, әлемдегі ең кедей топтардың кірістерінің төмендеуі күн сайын 21 мың адамның өліміне әкеп соқты. Алайда әлемдегі ең бай 10 адам 2020 жылдың наурызынан бастап байлығын екі есе арттырды.

Сонымен қатар Credit Suisse зерттеуі 2020 жылы миллионерлердің саны 5,2 миллионға артып, бүкіл әлемде 56,1 миллион адамды құрайтынын анықтады.

"Патриоттық миллионерлер" мен теңсіздікке қарсы Альянс сондай-ақ саяси зерттеулер институты жүргізген талдау бойынша, егер табысы 5 миллион доллардан асатын адамдар үшін жылына екі пайыздан бастап, ал 50 миллион доллардан асатын адамдар үшін үш пайыздан сондай-ақ миллиардерлер үшін 5 пайыздан аса салық салынса бұл жылына 2,52 триллион доллардың жиналуына әкеледі. 

"Бай мен кедей тең емес саналатын әлемнің қателіктерін түзететін уақыт келді. Сол себепті байларға салық салынуы керек", – деді Британдық Кәсіпкер және патриоттық миллионерлер ұйымының негізін қалаушы Джемма Макгоф.

Ұйым Ұлыбританиядағы ең бай 119 мың адамға салық салу жылына 43,71 миллиард фунт стерлинг жинауға мүмкіндік береді деп мәлімдеді. Олардың пікірінше, бұл қаражатты Ұлттық сақтандыру салығын жоспарлы түрде көтеру, Англиядағы әлеуметтік көмекті қаржыландыру, 50 мың медбикенің жалақысын төлеу және басқа да әлеуметтік қамсыздандыруды арттыру үшін пайдалануға болады.

Олардың пікірінше, бұл ақша әлемдегі 2,3 миллиард адамды кедейліктен арылтып, бүкіл әлем үшін COVID-19 вакциналарының жеткілікті мөлшерін өндіре алады. Табысы төмен және орташа деңгейден төмен елдердің барлық азаматтардың толық денсаулық жағдайы мен әлеуметтік қорғалуын қамтамасыз етеді (3,6 миллиард адам).

Талқылау