"Менің қолымнан келеді": Маман Меркельдің үшінші рет қалтырағанда не деп сыбырлағанын айтты

Ерін қимылдары бойынша адам сөзін оқу маманы Джудит Хартер Германия канцлері Ангела Меркельдің бір ай ішіндегі үшінші ұстамасы кезінде не деп сыбырлағанын айтты.

Бұл туралы Stan.kz ақпарат агенттігі Antenne Bayern радиостанциясына сілтеме жасап хабарлайды.

Сарапшы Меркель Берлинде Финляндияның премьер-министрі Антти Риннемен кездесу кезінде ұстамасы ұстап, қалтыраған сәтті «Менің қолымнан келеді» (неміс тілінде - Ich schaffe das – ред.) деген тіркесті қайталағанына сенімді. 

Еске сала кетсек, таяуда Меркель ресми кездесуде үшінші рет қалтыраған еді. Алайда канцлер өзін жақсы сезінетінін және жұмыс істеуге дайын екенін айтты.