Соңғы жаңалықтар
Соңғы жаңалықтар

"Меккеде намаз оқығанның жамбасынан тебуге болады дедің": Дінтанушы Мұхамеджан Тазабековке жауап берді

Белгілі дінтанушы Қайрат Жолдыбайұлы мен Мұхамеджан Тазабековтың арасындағы дау әлі жалғасуда. Дінтанушы өз ойын айтып, тағы сын жазды. Артық сөзі үшін кешірім сұрады. 

"Мұхамеджан бауырымның ақталып жазған жазбасын оқыдым. Мені қате ақпаратқа алданудың нәтижесінде эмоциямен өзіне қарсы пікір жазыпты деген сыңайда әңгіме айтыпты. Оу, Мұхамеджан бауырым, сөздеріңе қарсы шығып, саған ренжіген мен ғана емес, бүкіл халық екенін жақсы білесің. Бұл екеуміздің арамыздағы жеке бастың дауы емес. Монтаждалған депсің. Ненің монтаж, ненің шантаж екенін ажырата алатындай жастамын деп ойлаймын. Кез келген ұзақ видео қысқартылады. Егер қысқартқанда мағына өзгеріп кетсе, онда өзіңмен толық келісемін. Тіпті өзіңді қорғаймын. Бірақ не айтқың келгені ап-анық тұр ғой.

"Меккеде намаз оқыған адамды жамбасынан оңдырмай тебуге рұқсат беріп қойған дін қандай дін" - деген күдікті сауал әркімнің ойында қалды. Қасиетті қағба алдында кейбір адамдардың Аллаға беріліп кетіп қолайсыз жерге намаз оқығанын шешудің құйымшаққа қатты тебуден басқа өркениетті, адам қадірін кетірмейтін басқа мәдениетті жолы жоқ па, сонда? Міне осы сөздермен діннің қадірін кетірдің, саясатқа қолжаулық еттің. Және бұл сөзіңді, яғни, діни аргументті көшеге шыққан халықты жасына қарамай аямай қамауға, полицияны қайрау үшін айтқаныңның қай жері монтаж? Сосын көшеге біреу алданып шығады, енді біреу тарығып шығады. Қайсібірі әділеттік іздеп, азаматтық позициясын білдіру үшін шығады", - деді Жолдыбайұлы. 

Ол Тазабековке керісінше полицейлерге ақылын айтып, көшеге шыққан халыққа қарсылық көрсетпеуге, дөрекілік танытпауға шақыруға кеңес берді. 

"Полицияға "алаңдағы халық біреуіңнің әкең, біреуіңнің анаң, әпке-қарындасың. Мемлекеттің қауіпсіздігін дөрекілікке бармастан сақтаңыздар. Әсіресе жасы үлкен кісілерге қатты кетіп жағдайды одан әрі ушықтырып, халықты ашындырып алмаңыздар" - десеңіз нағыз жанашырлық, шынайы мемлекетшілдік болар еді. Талай постымда да ашық айтып жүрмін. Мен революцияны қолдамаймын. Бірақ әділетсіздікті айтуға, жеткізуге тиіспіз. Әділетсіздікті айтуға тиіс адамдар тек сарайды мадақтағанның нәтижесіне мемлекетмізде көптеген былықтар орын алып жатыр. Халық өзіңнен таразының басын тең ұстап мемлекетіміздегі талан-таражды, жемқорлықты, ысырапшылдықты, әділетсіздікті де айтуыңды қалайды. Біржақты уағызға халық мезі болған. Сосын өзіңе ғана оңаша айтатын екеуміздің арамыздағы жеке бастың мәселесі емес қой. Видеоң барлық әлеуметтік желіде кең тарап, халық менсіз де қызу талқылып жатқан болатын. Мен дін адамы ретінде өз позициямды білдірдім, қате сөздеріңді сынадым.

Дінтанушы бұл жеке бастың мәселесі емес, қоғамды ойландырған әңгіме екенін айтты. Сондықтан көпшілік алдында жазып отырғанын жеткізді. 

"Монтаж" - деп ақталмай-ақ, "кейбір сөздерім мен мысалдарым орынсыз болыпты, эмоциямен айтылған қате әрі артық сөздер екен. Сол үшін халықтан кешірім сұраймын" - десең халық басқаша қабылдар еді. Әрдайым халықтың жанында болуға тиіс өзің сияқты ақынға осы жарасар еді. Асыл арнаны жабуға қатысты пікірлерге қосылмаймын. Оны қадағалап отырған мемлекет пен ҚМДБ мамандары бар. Мен өз ойымды айттым, өзің де оған жауап бердің. Енді осы жерден тоқтайық. Халық ақ-қарасын өзі ажыратады. Артық кеткен жерім болса, кешірім сұраймын", - деді Қайрат Жолдыбайұлы. 

Талқылау
Пікір
Соңғы ЖАҢАЛЫҚТАР

Өлтіріп жіберуі мүмкін: Аспириннің балаларға аса қауіпті екені айтылды

Бұған қоса, аспирин мастықты қайтарады деген аңыз жоққа шығарылды

Ұлын құтқарамын деп көз жұмды: Туыстары марқұм туралы айтып берді

Марқұм таяуда ғана 30 жасқа толған екен

"Оқудан қуылады": Солтүстік Қазақстанда студенттер жаппай төбелесті

Тоқаев рахымшылық жасаған: "Қорғас ісі" бойынша сотталған Артықбаев пен Жақаев бостандыққа шықты

Сот олардың өтелмеген жаза мерзімінің бір бөлігін айыппұл жазасына ауыстырды

"Екі рет қытайларға": Қазақ келіншек үй алу үшін суррогат ана болып жүргенін айтты

Әлия Құрманәлиева: Бұл жерде жаман ешнәрсе көріп тұрған жоқпын

Мектеп оқулығындағы ата-ананың жалақысы мен несиелері туралы тапсырма желі қолданушысын ашуландырды

Желі қолданушысы: Балалары арқылы отбасылық бюджеті туралы мәліметтерді біліп алуды ұйғардыңыздар ма?

Алматы тұрғыны аттракционға отырамын деп жіліншігін сындырып, жарақаттанғанын айтты

Арқан жолымен қатты келе жатқан ер адам арқасымен және жамбасымен соғылған

Түркістан облысында әкесі браконьер ұлын қорғаймын деп инспекторларға оқ атты

Олар инспекторлардың ұялы телефондарын тартып алып, көлікке отырып, ізін суытқан

Еліміздің үш ірі банкі әскерилерге арналған ипотеканы іске қосты

«7-20-25» және «Баспана Хит» ипотекалық бағдарламаларының негізгі талаптары бұрынғыдай сақталады

Владимир Божко көш бастап тұр: Салықтан жалтарып жүрген депутаттар белгілі болды

Борышын төлемегендердің қатарында депутаттарда жүр
Çàãðóçêà...