«Құдайдан қорқудан қалдық»: Семейде әлдекімдер зираттарды тонап жүр

Үй-жайдағы мүлікті емес, қорымдарды қорлап, қоршауларын ұрлаумен айналысқандар қолға түсті. Семей шетіндегі зираттан шойын, темір тонағандар жалпы жиыны 900 мың теңге шығын келтірген екен. Туыстарының рухына тағзым етіп жүргендер күзет сұраса, қорым орналасқан жердің иесі зиратты үлкен қауіп ошағы деп атап, әкімдіктен көмек сұрады.

«Құдайдан қорқудан қалдық»: Семейде әлдекімдер зираттарды тонап жүр

Бұл туралы Еуразия бірінші арнасы хабарлайды.

Семей шетіндегі қорым Павлодарға шығар жолда, қалың орман ішінде орналасқан. Соңғы кездері қайтыс болған туыстарының рухына тәу етіп келгендер қоршаулар сияқты металл заттардың жоғала бастағанын байқапты. Олардың біреуі зейнеткер Зинаида Ручкина. Көз жұмған жолдасының қорымы қорланған соң, егде жасына қарамай күнде келіп, өзге молаларды бақылапты. Үлкен аталары да, ағайындары да осы жерде жерленген екен.

«Басқасын қойып, енді зираттарды тонауды бастаған. Бұл бассыздық. Құдайдан қорқудан да қалдық. Күзет болуы керек мұнда. Вандалдар жазасыз қалмауы тиіс», – дейді қала тұрғыны Зинаида Ручкина.

Тұрғындардың шағымынан соң полицейлер іздестіру шарасын бастаған болатын. Тергеушілердің байқағаны, ұрылар көбінесе тот басқан темірді емес, жақында орнатылған қоршауларға көз салған екен. Келген шығын көлемі 900 мың теңгеден асқан.

«Қылмыс жасап жатқан кезде 24 жастағы және 34 жастағы қала шетінде орналасқан Старая крепость ауылының екі тұрғыны ұсталды. Оның біреуі бұрын осы ұрлық қылмыстары үшін сотты болған. Қазіргі таңда тергеу амалдарының негізінде бұл азаматтардың жасаған 5 қылмысы нақтыланып дәлелденіп отыр», – дейді қалалық полиция басқармасы баспасөз қызметінің жетекшісі Елубек Оспанов.

Орман ішіндегі қорым аумағы 100 гектардан асып кеткен. Былтыр ол зират жабылып, жерлеуге тыйым салынған болатын. Молалар тұрған жер жергілікті орман резерватының аумағына кіреді. Орманшылар зират жабылған бетте айналасын қазып белгі қойған. Алайда, тыйымды пысқырмай, қазылған жерді аттап, мәйітті жерлегендер де бар көрінеді. Ал тағзым етіп келушілер төңіректі қоқысқа толтырып, шылым шеккендері өрт қаупін туғызады екен.

«Зираттың орман ішінде болуы өте үлкен қауіп. Біз ол жерді орман қорынан алып, әкімдік балансына өткізуді бірнеше мәрте сұрадық. Тым құрығанда, зират айналасын қоршау керектігін ескерттік. Алайда, ешбір әрекет жасалмады», – дейді «Семей орманы» резерватының бас директорының орынбасары Жұмағали Сағадиев.

Қауіпті зираттан құтыла алмай келе жатқан орман резерватының басшылығы 100 гектар жерді әкімдікке жалға беруге әзірміз дейді. Немесе басқа аумақтар жер берілсе, орман алқабын одан әрі кеңейтер едік деп отыр.

Stan.kz сайтын Telegram арқылы оқыңыз. Арнамызға жазылыңыз.

Талқылау
Пікір
Соңғы ЖАҢАЛЫҚТАР

Тағы да жеңіліс: Күрестен әлем чемпионатында отандасымыз күміс жүлде алды

Күрестен әлем чемпионатында қазақстандықтар үшін алтын жүлде бұйырмай тұр

10 адам жараланды: Арыста тағы да жарылыс болды

Полигонда арнайы жұмыстар кезінде оқ-дәрі бөлшегі өздігінен жарылып кеткен

Тоқаевтың Нью-Йоркке неге баратыны белгілі болды

Бас Ассамблеяға қатысу үшін Нью-Йоркке 196 елдің өкілдері келеді

57 адам ұсталған: Министрлік заңсыз митингке шыққандар туралы мәлімдеме жасады

Жекелеген азаматтар елде тыйым салынған экстремистік ұйымның арандатушылығына ерген

Иттер талап тастаған: Қазақстандық әйел жаңа туған баласын мазарға тастап кеткен

Сәбидің денесін мазарда иттер сүйрелеп, талап тастаған

Үш жыл бойы алып келген: Оралдық көпбалалы әйелге мемлекеттен алған ақшасын қайтару міндеттелді

Үш жыл ішінде алған зейнетақыны мемлекетке қалай қайтаратынын білмей отыр

"Ессіз ғашықпын": Yuframe блогері тойға қызу дайындық үстінде

Айымның таңдауы Талғат Итбаев есімді бизнесмен жігітке түскен

Жоғалып кеткен астаналық барменнің өлі денесі табылды

Полиция қызметкерлерінің мәлімдеуінше, денеде зорлық-зомбылық белгілері жоқ

2025 жылға қарай Қазақстан пластикалық пакеттерден бас тартады

Қазақстанда пластиктен бас тарту алты жыл ішінде кезең-кезеңмен жүреді

"Бір де бір құжаты жоқ": Жаңаөзен әкімі қызмет көлігін заңсыз пайдаланған

Әкім көлігін жемқорлыққа қарсы қызметкерлер мен жол сақшылары тексерген
Çàãðóçêà...
Қазір оқып жатыр