Коронавирусты уланумен шатастырған: Дәрігердің кесірінен алты жасар қыз көз жұмды
АҚШ-тың Теннесси штатында дәрігерлер улану диагнозын қойғаннан кейін алты жасар қыз COVID-19-дан көз жұмды, деп хабарлайды Stan.kz ақпарат агенттігі Daily Mirror-ға сілтеме жасап.
Қыздың асырап алған ата-анасы Присцилла мен Дэвид Морз жаңа коронавирус инфекциясымен ауырған. Ауру кезінде олар алты жасар қызы Джиджиден оқшауланған. Олар сауыққаннан кейін көп ұзамай бала күніне бірнеше рет құсады. Қызды педиатрға апарады, дәрігер оның асқазанында проблемалар бар деп ойлап, ата-анасына "жеміс мұзымен емдеуге және біраз демалуға" кеңес берді.
Присцилла Джиджиді үйіне алып келген, оны төсекке жатқызып, өзі балмұздақ сататын дүкенге кеткен. Ол қайтып келгенде, үйде полиция көлігі мен жедел жәрдем көлігі тұрды. Белгілі болғандай, Джиджи көз жұмғаны, ал үлкен балалар оны тірілтуге тырысып, дәрігерлерді шақырған.
Америкалық әйел қызының иығында кішкентай бөртпеден басқа ауру белгілері болмағанын айтты. Қыз дәрігердің қабылдауында өзін жақсы сезінген, температурасы да қалыпты болды. Присцилла енді балаларына психологтың көмегі қажет екенін атап өтті.
Ол барлық ата-аналарды балалардағы бөртпе, құсу және летаргия сияқты мазасыз белгілерге назар аударуға және дереу дәрігерлерге жүгінуге шақырды.