Қытайда тағы 139 адам пневмонияның жаңа түрімен тіркелді
Қытайда коронавирустың штаммының ерекше түріне байланысты 139 адам жаңа пневмония жағдайымен тіркелді, деп хабарлайды Stan.kz ақпарат агенттігі.
Қалалық денсаулық сақтау комиссиясының ресми мәліметтеріне сәйкес, олардың 136-сы Уханьнан табылған. Бейжіңде тағы екі оқиға тіркелді. Ал бір адам - Гуандун Шэньчжэнь қаласында.
Желтоқсанның аяғында коронавирустың белгісіз түрі Уханьнан тыс жерде басталды.
Еске салсақ, 11 қаңтарда Қытайда пневмонияның жаңа түрінің алғашқы құрбаны туралы белгілі болды. Бүгінде қайтыс болғандар саны үшке артты. Зерттеушілер инфекцияның көзі Уханьдағы теңіз өнімдерінің көтерме сауда нарығында екенін анықтады.
Талқылау