Қазақстанда қар жауып, үсік жүреді
Қазақстанның оңтүстік-шығысында үсік күтіледі, деп хабарлайды Stan.kz ақпарат агенттігі Қазгидрометке сілтеме жасап.
Аптаның ортасынан бастап ҚР солтүстігі мен шығысына Атлантикалық
циклон әсер етуді жалғастырады, онымен жауын-шашынды және желдің
күшеюімен күзгі салқын ауа райы сақталады. Аптаның соңына қарай ел
аумағының басым бөлігінің ауа райын Батыс антициклоны анықтайды,
онымен жауын-шашынның біртіндеп тоқтауы күтіледі, елдің оңтүстік-
шығысында кей жерлерде үсік жүреді. Тек еліміздің батысында құрғақ және
жылы ауа райы сақталады.
Еліміздің 11 өңірінде күн бұзылады. Осыған байланысты төтенше жағдайлар министрлігі ескерту жариялады.
Қазгидромет 6 өңірде ескерту жариялады. Қазақстанда алдағы күндері қар жауады .
Нұр-Сұлтан қаласында жел екпіні - секундына 15-20 метр. Ақмола облысында кей жерлерде қатты жаңбыр жауады, тұман түсіп, жел күшейеді. Жел қарқыны - секундына 15-20 метр, тіпті 28 метрге дейін жетеді.
Бүгін Ақтөбе облысында желдің күші - секундына 15-20 метр, екпіні - секундына 23 метрге дейін болады.
Шығыс Қазақстан облысында кей жерлерде жел қарқыны - секундына 15-20, кей жерлерде 25 метр.
23 қыркүйекте Батыс Қазақстан облысында жел жылдамдығы - секундына 15-20 метр, кей жерлерде тұман түседі.
23 қыркүйекте Қарағанды облысында кей жерлерде тұман түсіп, жел екпіні секундына 15-20 метр, тіпті 25 метрге дейін жетеді. Түнде кей жерлерде жердің бетінде 1-3 градус үсік жүреді. Бүгін
Қостанай облысында кей жерлерде тұман түседі, найзағай жарқылдап, дауыл тұрады. Бұршақ жаууы мүмкін. Желдің күші - секундына 15-20 метр, екпіні - секундына 25 метрге дейін.
23 қыркүйекте Қызылорда облысында күшті жел соғады. Қарқыны - секундына 15-20 метр. Өрт қаупі өте жоғары.
Бүгін сондай-ақ Маңғыстау облысында кей жерлерде тұман түседі.
23 қыркүйекте Павлодар облысында кей жерлерде нөсер жаңбыр жауады. Жел жылдамдығы - секундына 15-20 метр, екпіні - секундына 28 метрге дейін күшейеді.
Бүгін Солтүстік Қазақстан облысында кей жерлерде қатты жаңбыр жауады, күн күркіреп, дауыл соғады. Бұршақ жауады, тұман түседі. Жел қарқыны - секундына 15-20 метр, кей жерлерде - секундына 28 метр болады.
Төтенше жағдайлар министрлігі азаматтарды ауа райының өзгерістерін бақылауға шақырады. Дауылды ескерту туралы хабарламаларды тыңдап, қажетті сақтық шараларын сақтау маңызды.