Күні кеше "Батыс Тянь-Шань" трансшекаралық Дүниежүзілік табиғи мұра объектісінің жағдайын анықтау мақсатында ЮНЕСКО мен Халықаралық табиғатты қорғау одағының (IUCN) бірлескен миссиясының Қазақстан, Қырғызстан және Өзбекстанға сапары аяқталды. Қордың мәліметінше, миссия үш елдің жоспарларына жауап ретінде және трансшекаралық Батыс Тянь-Шань дүниежүзілік табиғи мұра объектісінің қазіргі жағдайын нақтылау мақсатында ұйымдастырылды.

"Реки без границ" ұйымының дерегінше, Қырғызстанның Чаткал облысында заңсыз алтын өндіру жүргізіліп жатыр. Сондай-ақ Чатқал өзенінде қорғалатын жайылма жерлерді су басқан және су қоймасының бойымен Талас – Чатқал – Ташкент транзиттік тас жолын төсеп, су электр станциясын салу жоспарланып отыр.

Қазақстанда жергілікті билік Өгем өзенінде су қоймалары бар су электр станцияларының каскады жобасын ұсынды. Ал өзен ағынының бір бөлігі 210 шақырымдық құбырға тартылып, Түркістан облысының басқа аудандарына жіберіледі.

“Өзбекстанда Дүниежүзілік мұра тізіміндегі Чатқал мен Өгем өзендерін бөгеттер бітеп тастаған. Бульдозерлер мен экскаваторлардың көмегімен Өгем өзенінің арнасын бұзып, ондағы суды жасанды канал арқылы жіберіп, бетін бетонмен жапты. Мұндай варварлыққа сирек және эндемиялық балық түрлерінің популяциясын жоя алатын жалпы қуаты шамамен бес мегаватт үш шағын су электр станциясын салу үшін барған”, – деп жазды қордың баспасөз қызметі.

"Реки без границ" ұйымының маманы Евгения Симонова өзендердің төменгі ағысындағы бөгет жобаларды ЮНЕСКО бағалау керегін айтты.

Талқылау