«Қазақстан мен Америка Құрама Штатының 28 жылдық тәуелсіздік жылдарында стратегиялық әріптестік деңгейіне жеткен энергетика саласындағы ынтымақтастықтың ұзақ және табысты тарихы бар. Екіжақты қарым-қатынастарды нығайтудың табысты механизмдерінің бірі энергетикалық әріптестік жөніндегі бірлескен комиссия болып табылады, оның шеңберінде ядролық қауіпсіздік, атом өнеркәсібі, мұнай және газ саласындағы ынтымақтастық, жаңартылатын энергия көздерін дамыту және электр энергетикасы салалары бойынша ынтымақтастық талқыланады. Қазақстан ядролық саладағы екіжақты ынтымақтастықты дамытуға және таратпау режимін нығайтуға үлкен мән береді», - делінген хабарламада.

Қолданыстағы екіжақты комиссиялардың, іс-шаралар мен жеке кездесулердің шеңберінде энергетика, сыртқы істер және ұлттық экономика министрліктері Қазақстан Республикасының ұлттық мүдделерін қорғау және уран импорты бойынша санкциялар қолдануды болдырмау бойынша жұмыстар жүргізді.

Қазақстан Республикасы уранды өндіруде көшбасшы және бүкіл әлем бойынша атом электр станцияларының, соның ішінде АҚШ-тың үздіксіз жұмысының кепілі болып табылады.

Шаймалау әдісімен Қазақстанда уранды өндіру технологиясы АЭжХА ең экологиялық қауіпсіз және қауіпсіз деп танылды. 2015 жылы АҚШ-тан Қазақстанға табиғи уранды экспорттау 1 153,5 тоннаны, ал 2016 жылы - 1813 тоннаны құрады.

2017 жылы - 948 тонна, бұл жалпы экспорттың 4,1% (23,258 тонна), 2018 жылы - 399,8 тонна, бұл жалпы экспорттан 1,95% (20,452 тонна).

12 шілдеде АҚШ президенті Дональд Трамп отандық уран өндірісі үшін квота белгілеуден бас тартты және оның импортын шектеді.

Талқылау