Қазақстан алдағы уақытта Түркияға ет экспорттамақ
Ауыл шаруашылығы вице-министрі Ермек Кенжеханұлы алдағы уақытта Түркияға ет экспорттау жоспарланып отырғанын мәлімдеді. Бұл туралы Stan.kz ақпарат агенттігі хабарлайды.
Фото: pixabay.com
Вице-министрдің сөзінше, 2024 жылдың қорытындысы бойынша екі ел арасындағы тауар айналымы 285 миллион долларға жеткен.
"Экспортталған тауардың негізгі бөлігі дәнді дақылдар мен дәнді-бұршақты дақылдар мәдениеті. Түркия тарапынан импортталған тауарлар – жеміс пен көкөністер, өзге де мәдениеттер", – деді Кенжеханұлы.
Сонымен қатар Қазақстан алдағы уақытта Түркияға ет экспорттауды жоспарлап отырғанын айтты.
"Қазір ет және ет өнімдерін экспорттауды қамтамасыз ету үшін шара қабылдап жатырмыз. Оның аясында Түркияның ветеринарлық қызметімен тиісті жұмыстар жүргізіледі. Сонымен қатар Түркияға ет пен ет өнімдерін экспорттайтын кәсіпорындарды мақұлдаймыз", – деп қосты вице-министр.
"Акушерге, дәрігерге, медбикеге бересің": Қазақстандықтар мемлекеттік перзентханалардың ақша бермесең қарамайтынын айтып, қызу талқылады
Әйел: “Әр қараған адамға 2 мың теңгеден екі күнге 60 мың теңге бердім”
"Бізден 100 есе жоғары алады": Қазақстан мен шетелдік дәрігерлердің жалақысын салыстырып көрдік
Алматының ауруханасында жұмыс істейтін дәрігерлер 160-250 мың теңге алады