“Қайраттың” жас шабуылшысына ағылшын клубы қызығушылық танытуда
Фото: instagram.com/aza_tuyakbaev87
Алматылық “Қайраттың” 18 жастағы шабуылшысы Азамат Тұяқбаевқа ағылшынның “Ковентри” клубы көз тігіп отыр. Бұл туралы Stan.kz ақпарат агентігі ASnews.kz порталына сілтеме жасап хабарлайды.
УЕФА Жастар лигасында “Спортингке” қарсы өткен ойында Тұяқбаев қос гол соғып, дубль авторы атанған. Осы ойыннан кейін жас футболшыға Ұлыбританияның “Ковентри” клубы көз тігіп отыр.
Айта кетейік, биылғы маусымда Азамат Тұяқбаев Қазақстан чемпионатында да мергендігімен көзге түсіп үлгерді. Жақында ғана өткен “Қайрат” – “Жетісу” матчында ол тағы бір гол соғып, командасының жеңіске жетуіне септігін тигізді.
Ал Англияның “Ковентри” клубы қазір Чемпионшип турнирлік кестесінде 19 ұпаймен көш бастап тұр.
Талқылау
“Қазақ әйелін аяққа таптайды, байлар жарысады: Тоқал алуды заңдастырудың соңы неге әкеп соғады?
Депутат Абзал Құспан тоқал алуды заңмен реттеу қажет екенін айтқан еді
Қазақстанда Coca Cola мен Pepsi сусындарының өндірісі тоқтай ма: Желіде жұртшылық алаңдаушылық танытты
Тұтынушы: "Енді бізге "Кола" Өзбекстаннан әкелініп жатыр екен"