Соңғы ЖАҢАЛЫҚТАР
БАРЛЫҚ ЖАҢАЛЫҚТАР

Қасым-Жомарт Тоқаев жаңа мораторий енгізді

Мемлекет басшысы Қасым-Жомарт Тоқаев квазимемлекеттік сектор субъектілерін құруға мораторий енгізу туралы жарлыққа қол қойды, деп хабарлайды Stan.kz ақпарат агенттігі Ақордаға сілтеме жасап.

Қасым-Жомарт Тоқаев жаңа мараторий енгізді

"Кәсіпкерлік қызметке мемлекеттің қатысуын төмендету және жекеше секторды дамыту үшін жағдай жасау мақсатында мен қаулы етемін:

1. 2020 жылғы 31 желтоқсанға дейін квазимемлекеттік сектор субъектілерін құруға мораторий енгіземін. Оған мыналар жатпайды:

  • әлеуметтік саладағы және (немесе) елді мекендерде тіршілік ету қызметін жүзеге асыратын заңды тұлғалар;
  • қолданыстағы заңды тұлғаларды қайта құру (біріктіру немесе қайта құру) арқылы заңды тұлғаларды оңтайландыру шеңберінде құрылған заңды тұлғалар;
  • жарғылық капиталындағы квазимемлекеттік сектор субъектілері дауыс беруші акциялардың (қатысу үлестерінің) елу және одан кем пайызына иелік ететін акционерлік қоғамдар (коммандиттік серіктестік);
  • Қазақстан Республикасы президентінің атынан және (немесе) келісімімен құрылған заңды тұлғалар.

2. Қазақстан Республикасының үкіметі жергілікті атқарушы органдармен және квазимемлекеттік сектор субъектілерімен, сондай-ақ Қазақстан Республикасының президентіне тікелей бағынатын және есеп беретін мемлекеттік органдармен бірлесіп, осы жарлықты жүзеге асыру үшін қажетті шараларды қолданады.

3. Жарлық алғашқы ресми жарияланған күнінен бастап қолданысқа енгізіледі.

Айта кетейік, ағымдағы жылдың мамыр айында президент жаңа мемлекеттік компаниялар құру туралы мораторий жариялады.


Ринат Зайытов өзінің саяси партиясын құра ма? Ақынның өзі жауап берді >>>
Çàãðóçêà...
Қазір оқып жатыр