Индонезияның жаңа астанасының атауы жарияланды
Индонезияның жаңа астанасы Нусантара деп аталады және ол Шығыс Калимантан провинциясында орналасады, деп хабарлайды Stan.kz ақпарат агенттігі.
2019 жылы Индонезия астанасын Джакарта мегаполисінен Шығыс Калимантанға көшіру жоспарланған болатын. Билік оны қазіргі астананың кептелісіне байланысты, сондай-ақ Калимантанның экономикалық дамуын жеделдету үшін қажет деп санады. Құны 30 миллиард доллардан асатын жоба коронавирус шектеулеріне байланысты тоқтатылды.
"Мен жаңа ғана президенттің мақұлдауын және тікелей бұйрығын алдым. Ол жаңа астана Нусантара екенін айтты", - деді Ұлттық дамуды жоспарлау министрі Сухарсо Моноарфа.
"Нусантара" сөзі индонезия тілінен "архипелаг" деп аударылады және Индонезияның поэтикалық атауы ретінде қолданылады. Министрдің айтуынша, жаңа атауды таңдау оның бұрыннан бар екеніне, халықаралық қоғамдастыққа белгілі болуына байланысты, сонымен қатар елді қарапайым және нақты сипаттау болып табылады.
Жиынға қатысушылардың бірқатары "нусантара" сөзінің бұрыннан белгілі мағынасы бар екенін, бұл түсініксіз болуы мүмкін екенін атап өтті. Осыған байланысты кейбір комитет мүшелері түсініспеушілік туындамас үшін астананы Нусантара арнайы әкімшілігі деп атауды ұсынды.