Дүниежүзілік денсаулық сақтау ұйымы AstraZeneca вакцинасын шұғыл жағдайда қолдануға мақұлдады
Дүниежүзілік денсаулық сақтау ұйымы (ДДҰ) Оксфорд университеті мен англиялық-шведтік Astrazeneca компаниясынан вакцинаның екі нұсқасын шұғыл қолдануға мақұлдады, деп хабарлайды Stan.kz ақпарат агенттігі.
Шешім - бұл әлемдік ауқымда AstraZeneca вакциналарын қолдануға арналған жол, деп хабарлады ДДҰ. Шұғыл жағдайда қолдану үшін Корея Республикасындағы AstraZeneca-SKBio фабрикаларында және Үндістандағы институтта шығарылатын вакцинаның нұсқалары ұсынылады.
"Қазір бізде вакциналарды жылдам таратудың барлық алғы шарттары бар. Бірақ бізге өндіріс көлемін ұлғайту қажет", - деді ДДҰ бас директоры Тедрос Адханом Гебреисус.
Вакцинаны Стратегиялық консультативтік сарапшылар тобы (SAGE) қарады. Олар препаратты 18 және одан жоғары жастағы барлық топтарға қолдануды ұсынды.
ДДҰ AstraZeneca вакцинасын жедел қолдануға мақұлдағаннан кейін оған сұраныстың артуын күтеді.
Талқылау