Соңғы жаңалықтар
Соңғы жаңалықтар

Денелері жартылай өртенген: Алматы облысында анасы мен екі баласының мүрдесі табылды

Алматы облысында әйел екі баласымен бірге көз жұмды. Қайғылы жағдайға олар тұрып жатқан үйде өрт шығуы себеп болды, деп хабарлайды Stan.kz ақпарат агенттігі ТЖК-ның баспасөз қызметіне сілтеме жасап. 

Денелері жартылай өртенген: Алматы облысында анасы мен екі баласының мүрдесі табылды

Сурет: Көрнекі сурет

16 қарашада түнгі сағат 00:48-де өрт сөндіру қызметінің пультіне Алматы облысындағы «Еңбекші» саяжайында жекеменшік үйде өрт шыққаны туралы қоңырау түскен. 

«Өрт сөндірушілер жеткен сәтте екі қабатты үй толықтай дерлік өртке оранған. Өрт 02:36-да сөндірілді. Үйінділерді тексеру барысында оқиға орнынан жартылай күйген үш мәйіт табылды. Олар 34 жастағы отанасы мен 5 және 11 жастағы ұлдарына тиесілі», - дейді ТЖК-ның ресми өкілі Нұрсұлтан Нұрахметов. 

Өртті сөндіруге 14 өрт сөндіруші мен 3 техника жұмылдырылған. Қазіргі уақытта өрттің себебі анықталып жатыр.

Талқылау