Дариға Назарбаева жасырын дауыс беру нәтижесінде сенат спикері болып сайланды
Жасырын дауыс беру қорытындысы бойынша депутат Дариға Назарбаева қайтадан парламент сенатының спикері болып сайланды, деп хабарлайды Stan.kz ақпарат агенттігі.
Сенаттың бірінші жалпы отырысында дауыс берген палата депутаттарының барлығы 48 дауыс берді.
Сенат депутаы, сайлау комиссиясының төрағасы Әлімжан Құртаев атап өткендей, қалыс қалған немесе «қарсы» дауыс бергендер болған жоқ.
«Құрметті Дариға Нұрсұлтанқызы, сізді сенат төрайымы болып сайлануыңызбен құттықтаймыз. Сіздің өз міндеттеріңізді абыроймен орындайтындарыңызға сенімдіміз. Сенаторлар сіздің басшылығыңызбен әрқашан жемісті жұмыс жасауға дайын », - деді вице-спикер Бектас Бекназаров.
Осы сөздермен ол Дариға Назарбаевты президиумға шақырды. Назарбаева оған жақындағанда Бекназаров оған раушан гүл шоғын сыйлады.
Өз кезегінде Дариға Назарбаева әріптестеріне сенімдері мен қолдаулары үшін алғыс білдірді және Қазақстанның дамуы үшін бар күш-жігер мен білімді жұмсауға уәде берді.
Бұған дейін Дариға Назарбаеваның кандидатурасын Қасым-Жомарт Тоқаев ұсынған болатын.